Антионио Гуттериш Нэгдсэн Үндэстний байгууллагын ес дэх Ерөнхий нарийн бичгээр сонгогдож, тангаргаа өргөв. Тангараг өргөх албан ёсны ёслол Нью-Йорк хотноо энэ сарын 12-ны өдөр НҮБ-ын Ерөнхий Ассамблейн хуралдааны үеэр болсон талаар “Regnum” уламжилсан байна.
Антонио Гуттериш “Дэлхийн дулаарал, хүн амын хэт өсөлт, хүнс болон ундны усны хомсдол зэрэг асуудал нь дэлхий дахиныг тогтворгүй болгож байна. Гишүүн улс орнуудын идэвхтэй оролцоогүйгээр, иргэний нийгмийн байгууллагуудын туслалцаагүйгээр НҮБ-ын хүмүүнлэгийн болон хөгжлийн хүчин чармайлт хүчгүйднэ” гэж хэлжээ.
Мөн тэрээр “Дэлхий дахинд тулгамдаж буй томоохон асуудлуудыг шийдвэрлэхийн тулд би АНУ-тай хамтран ажиллах хүсэлтэй байгаагаа тодорхой илэрхийлэх болно” хэмээсэн байна. Ирэх оны нэгдүгээр сарын 1-нээс ажилдаа орох түүний бүрэн эрхийн хугацаа таван жил үргэлжлэх юм. Антонио Гутерриш 2015 оныг хүртэл НҮБ-ын Дүрвэгчдийн асуудал эрхэлсэн дээд комиссараар ажиллаж байжээ. Тэрбээр 13 нэр дэвшигчтэй өрсөлдөн сонгогджээ.