Төр нийгмийн нэрт зүтгэлтэн С.Зоригийн амь насыг онц хэрцгийгээр хөнөөсөн хэрэг одоогоос 18 жилийн өмнө гарсан билээ. Энэ хэргийн учиг тайлагдахгүй он дамжсаар өнөөдрийг хүрсэн билээ. Тэгвэл саяхан энэ хэргийг улс төрийн захиалгат хэрэг биш гэж үзсэн. Харин энэ удаад С.Зоригийн амь насыг хөнөөсөн хэргийн яллагдагчаар Орхон аймгийн харъяат Б.Содномдаржаа, Т.Чимгээ, Ц.Амгаланбаатар нарыг шүүх хурал хорих 461-р ангид эхэлсэн юм. Шүүгдэгчдийн ар гэрийнхэн ирсэн ч шүүх хуралд оролцуулаагүй байна.
Харин хохирогчийг төлөөлж талийгаачийн төрсөн дүү С.Оюун оролцох байсан ч хараахан ирж амжаагүй байлаа.
Гэвч дөнгөж сая шүүх бүрэлдэхүүн өмгөөлөгчдийн хүсэлтээр шүүх хурлыг долоо хоногийн хугацаатай хойшлуулах шийдвэрийг гарган өнөөдрийн хурал болсонгүй.
О.ӨНӨР