ОХУ-ын Сочи хотноо дэлхийн сурагчдын аварга шалгаруулах шатрын тэмцээний долоо хүртлэх насны ангилалд өрсөлдсөн Н.Содбилэгт алтан медалийн болзол хангаж, дэлхийн аварга боллоо.
Энэхүү тэмцээнд манай улсаас 7, 9, 13 хүртэлх насны хөвгүүд, охидын, мөн эдгээр насны нээлттэй ангилал гэсэн төрлүүдэд нийт 21 өсвөрийн шатарчин ур чадвараа сорин өрсөлдөж байгаа юм. Манай шатарчдаас С.Чингүүн, Т.Хүслэн нар амжилттай оролцож, зургадугаар байрт бичигдэж байна. Өнөөдөр тэмцээний сүүлийн өргийн тоглолтууд болж шилдгүүд тодорно.