Эдийн засгийн нөхцөл байдал хүндрэлтэй байгаа тухай Засгийн газар байнга ярьж байгаа. Өмнөх Засгийн газрууд ч ярьж байсан. Одоо олонхийг бүрдүүлж байгаа МАН-ынхан хоёр сарын өмнө татвар нэмэхгүй, шинэ татвар бий болгохгүй гэж амалж сонгуульд ялсан. Гэтэл өнөөдөр нэг биш найман төрлийн татвар нэмнэ гэж оруулж ирж байна. Засгийн газар улсын төсвийн урсгал зардлыг 550 тэрбумаар, хөрөнгийн зардлыг 500 тэрбумаар нэмнэ, төсвийн алдагдлыг хоёр тэрбум ам.долларт хүргэнэ гэдэг төсвийн тодотгол, Төсвийн хүрээний мэдэгдлийг оруулж ирлээ. Тиймээс татвар нэмэхийг би эрс эсэргүүцэж байна.
О.ӨНӨР