2016-2017 оны хичээлийн шинэ жилийн нээлт улс орон даяар өнөөдөр буюу есдүгээр сарын 1-нд 08:00 цагаас эхэллээ. ЕБС-иуд есдүгээр сарын 1-нд хичээлийн шинэ жилийн нээлт болон эхний хоёр цагийн хичээлийг нэгдсэн сэдвээр заах аж. Тухайлбал, 08:00-08:40 цагт Хичээлийн шинэ жилийн нээлт хийнэ.
09:00-09:40 цагт “Монголын нууц товчоо” хичээлийг 1-12 дугаар ангийн бүх бүлгүүдэд зохион байгуулна.
Харин 10:00-11:00 цагт МУ-ын Ерөнхийлөгч Ц.Элбэгдорж “Монголын нэр ертөнцийн чихнээ” сэдвээр теле хичээл заана. Теле хичээлийг улс орон даяар МҮОНРТ-ээр шууд нэвтрүүлэх юм.
Мөн “Монголын нууц товчоо” хичээлийн агуулга, арга зүйг “Монгол бахархал” сэдвийн дор сургууль бүр урьдчилан бэлтгэж хичээлийг зохион байгуулах
Ерөнхий боловсролын сургууль бүр Ерөнхийлөгчийн теле хичээлийг нийт суралцагч үзэх боломжтой байхаар зохион байгуулах, Тухайлбал анги танхим, урлаг спортын зааланд телевизор байрлуулах, дуу өндөрсгөгч тавьж сурагчид нэгдсэн байдлаар хичээлийг үзэх боломжийг хангах гэх мэт. Энэхүү бэлтгэлийг хангахад багш, эцэг эх суралцагчдад ямар нэгэн хүндрэл дарамт учруулахгүй байх ажээ.