Иргэд самрын болц гүйцээгүй байхад түүх явдал нэмэгдэж байна. Өчигдөр л гэхэд Сүхбаатар дүүргийн 19 дүгээр хорооны Зуслангийн чиглэлийн замд “Ланд Круйзер-80” маркийн автомашинд түүхий самар тээвэрлэж явсан зөрчил илэрчээ.
Тодруулбал, тус чиглэлд үүргээ гүйцэтгэж явсан цагдаагийн алба хаагчид 23 цагийн орчимд “Ланд Круйзер-80” автомашиныг саатуулан шалгахад 47 настай С гэх эрэгтэй 50 кг савлагаатай 18 шуудай түүхий самар тээвэрлэж явжээ.
Ингээд цагдаагийн алба хаагчид гэмт үйлдлийг таслан зогсоож, боргоцойг хураан авсан байна. Хэргийг Сүхбаатар дүүргийн цагдаагийн хоёрдугаар хэлтэст шалгаж байгаа аж.
О.ӨНӨР