2015 оны 10 дугаар сард Макс группын ерөнхийлөгч Д.Ганбаатарын “Mongolian Saturday” нэртэй хурдан морь АНУ-д зохиогдсон Дэлхийн хэмжээний “Breeder`s CUP” нэртэй уралдаанд түрүүлсэн юм. Д.Ганбаатарын энэхүү амжилт нь Монгол хүн дэлхийд анх удаагаа хурдан мориороо тэргүүлсэн явдал байлаа.
Харин “Mongolian Saturday” өчигдөр буюу мягмар гаригт Их Британий Беркшир дэх Рояал Аскот морин тойруулгад болох Английн хатан хааны нэрэмжит “King’s Stand Stakes” уралдаанд оролцож 19 мориноос есдүгээр байранд орлоо.
Сонирхуулахад, Английн хатан хаан Элизабет “Монгол Бямбаа”-гийн эзэн Д.Ганбаатар, уяач Э.Ганбат нартай өөрийн биеэр уулзаж, хүндэтгэл үзүүлэхээ илэрхийлжээ.