МАХН-ын нэр дэвшигчдийг зарим аймгуудад бүртгэхгүй байгаа асуудлаар тус намын дэд дарга Э.Эрдэнэжамъян, С.Удвал нар өнөөдөр мэдээлэл хийлээ. Мөн намын дарга Н.Энхбаяр болон Э.Эрдэнэжамъян нарыг ялтайд тооцон Цагдаагийн газраас тодорхойлолт гаргаж өгөхгүй байгаа аж. Тиймээс МАХН-ынхан үүнийг эсэргүүцэж Чингисийн талбайд нойтон өлсгөлөн зарлах болсон талаар мэдэгдлээ. МАХН-ын дарга Н.Энхбаяр, МАХН-ын дэд дарга Э.Эрдэнэжамьян тэргүүтэй 76 хүн маргааш өглөөний 09.00 цагаас Чингисийн талбайд өлсгөлөн зарлаад, зургаадугаар сарын 5-нд дуусгахаар төлөвлөж байгаа аж. МАХН-ын өлсгөлөн зарлах хүмүүс өнөөдөр Сүхбаатар дүүргийн эрүүл мэндийн нэгдэлд биеэ үзүүлж, өлсгөлөн зарлах бэлтгэлээ базаасан байна. Асуудал тэдний талд шийдэгдэхгүй бол тэмцлийн дараагийн хэлбэрт шилжинэ гэдгээ мэдэгдлээ.