Арилжааны банкуудын зээлийн хүү хэт
өндөр байгаа нь иргэдэд дарамт болж байгаа талаар Зээлдэгчдийн
холбооноос өнөөдөр сэтгүүлчдэд мэдээлэл хийлээ. Тэд эдийн засгийн
хямралын үед арилжааны банкнаас авсан өндөр хүүтэй зээлээ төлж чадахгүй, шүүх цагдаагийн байгууллагад очих дээрээ тулсан маш олон иргэд гомдол гаргаж буйг энэ үеэр мэдээлэв.
Тус холбооноос зээлийн хүүг жилийн зургаан хувь болгон бууруулах бүрэн боломж байгааг судалж, энэ дагуу зээлийн хүүг бодитоор бууруулахыг арилжааны банкуудаас шаардан бичиг хүргүүлжээ.
Гэвч арилжааны банкууд зээлийн хүүг бууруулах боломжгүй гэх тайлбарыг ирүүлсэн байна.
Энэ талаар Зээлдэгчдийн холбооны тэргүүн Ц.Солонго ярихдаа “Банк тус
бүрийн удирдлагуудтай уулзах хүсэлтийг хүргүүлсэн ч тэдний өмнөөс
Банкуудын холбооноос боломжгүй гэх нэг хариуг өгч байгаа юм. Энэ
нь арилжааны банкууд үгсэн хуйвалдаж иргэдийг зээлийн хүүгээр дарамталж
байна гэж үзэхэд хүргэж байна” гэв.