Төв аймгийн Алтанбулаг сумын нутаг Булгийн тохой гэх газраас өнгөрсөн дөрөвдүгээр сарын 28-ны өдөр үл таних хүний шатсан цогцос олдсон.
Тус цогцсыг хэн болохыг нь тогтоохоор цагдаагийн байгууллагаас ажиллаж, иргэдээс мэдээлэл авч байсан. Тэгвэл цогцсыг энэ сарын 21-ний өдөр хэн болохыг цагдаагийн алба хаагчид тогтоожээ.
Тэрээр Төв аймгийн харьяат Б гэгч бөгөөд гадны нөлөөтэй амиа алдсан болох нь холбогдох шинжилгээгээр тогтоогдсон байна.
Талийгаачийг хамаатнууд нь нийлж, амийг нь бүрэлгээд, цогцсыг нь шатаасан байж болзошгүй аж. Учир нь талийгаачийг нас барснаас хойш ах дүүс нь хайгаагүй учраас мөрдөн байцаагчид шалгалт хийжээ.
Ингээд энэ хэрэгт хоёр эрэгтэй, нэг эмэгтэйг сэжигтнээр тооцон саатуулсан байна.