Мэргэжлийн боловсрол, сургалтын байгууллагуудын үйл ажиллагаа, шилдэг бүтээл, үйлчилгээг олон нийтэд танилцуулах, мэргэжилтэй ажилтны ур чадварыг сурталчлах, ерөнхий боловсролын сургуулийн сурагчид, залуучуудад мэргэжлийн чиг баримжаа олгох зөвлөх үйлчилгээ үзүүлэх зорилготой “Мэргэжил бүхэн сайхан” өдөрлөг Чингисийн талбайд болж байна.
Хөдөлмөрийн яамны санаачилгаар зохион байгуулж буй уг өдөрлөгт төрийн болон төрийн бус өмчийн Мэргэжлийн боловсрол сургалтын 58 байгууллага оролцож байна. Эдгээр 58 байгууллага нь: хангайн болон төвийн бүсээс тус бүр найм, говийн бүсээс долоо, зүүн бүсээс дөрөв, баруун бүсээс тав, нийслэлээс 26 МСҮТ, Политехник коллеж оролцсон. Мөн дүүргүүдийн Хөдөлмөрийн хэлтсийнхэн, үйлдвэрлэл, үйлчилгээний байгууллагууд, Хөдөлмөрийн яамтай хамтран ажилладаг түнш байгууллагууд болох төсөл хөтөлбөрийнхөн, мэргэжлийн холбоод, төрийн бус байгууллага, ажил олгогчид оролцож байна.
нэхүү өдөрлөгт залуучуудын бүтээлийн үзэсгэлэн, Мэргэжлийн ур чадварын шоу үзүүлбэр, мэргэжлийн боловсрол, сургалтын байгууллагын 200 суралцагч оролцсон FLASHMOB боллоо.
