Орц (дөрвөн хүний)
Төмс-Дөрвөн ширхэг
Масло-Дөрвөн хоолны халбага
Өндөг- Нэг ширхэг
Ургамлын тос-2-3 хоолны халбага
Давс-1/2 цайны халбага
Хар перец- 1/2 цайны халбага
Үхрийн татсан мах-450 гр
Сармис-2-3 хумс
Сонгино-1/2 ширхэг
Талхны хатаамал-180 гр
Яншуй-15 гр
Гоньд-1/2 цайны халбага
Нунтаг улаан чинжүү-1/2 цайны халбага
Томатны соус-Хоёр хоолны халбага
Хийх арга
Төмсийг угааж хальсалж хэрчээд буцалж буй халуун усанд хийж 15-17 минут чанана. Дараа нь уснаас гаргаад халуун байгаа дээр нь масло хийнэ. Маслоны оронд цөцгий эсвэл майонез байж болно. Ингээд төмсийг нухаж байхдаа давс, хар перец хийж амтлаарай.
Бага зэргийн ногоон сонгино, эсвэл яншуйгаар амтлах эсэх нь таны дур. Саванд татсан үхрийн мах (хонины мах байж болно), жижиглэн хэрчсэн сармис, талхны хатаамал буюу крахмал, өндөг, давс, хар перец, гоньд, жижиглэн татсан яншуй, бага зэрэг томатны сүмс, халуун чинжүү эсвэл өөрийн дуртай амтлагчийг орлуулж хийгээд сайтар хольж хутгана. Цаг зав байгаа бол амталсан махыг 30-50 минут амраахад илүү сайхан амт ордог. Махыг амрааж байх хооронд хайруулын тавганд хоёр хоолны халбага ургамлын тос эсвэл масло хийж хайлуулаад жижиглэн хэрчсэн сонгино хийж гурван минут орчим хуураад дээрээс нь амталсан махаа хийж дунд зэргийн гал дээр бор хүрэн өнгө ортол хуурна. Хэт болтол нь хуурах хэрэггүй. Ингээд дутуу хуурсан махыг будаа агшаагчинд хийж жигд тараана. Махны дээрээс бага зэрэг үрсэн бяслаг (сыр) цацвал илүү сайхан амттай болдог. Дараа нь махны дээрээс төмсний нухшийг жигд тараана. Мах болон төмс сийрэг байх хэрэгтэй. Ингээд будаа агшаагчаа ажиллуулна. “Cook” товчлуурыг дарж “warm” болтол хүлээнэ. Мөн дан махнаас гадна хэрвээ та хүнсний ногоонд дуртай бол жижиглэн хэрчсэн лууван, вандуй, эрдэнэ шиш зэргийг махтай хамт хуурч хийж болно. Хоол илүү амттай, тэжээллэг болно гэсэн үг.
Интоортой Кекс
Орц (дөрвөн хүний)
Интоор-500 гр
Гурил-Хоёр хоолны халбага
Элсэн чихэр-150 гр
Масло-100 гр
Тараг-150 мл
Хүүхдийн будаа-150 гр
Нарийн боовны исгэгч- Нэг цайны халбага
Өндөг- Гурван ширхэг
Хийх арга
Хагалсан өндгөн дээр элсэн чихрээ хийж хөөсөрсөн цагаан болтол нь миксэрдэнэ. Хайлуулсан масло, тараг, хүүхдийн будаа, нарийн боовны исгэгч, гурилыг хийж ахин миксэрдээрэй. Яг өтгөн цөцгий шиг зуурмаг болох ёстой.180 хэмд халаасан шарах шүүгээнд хийж 25-30 минут болгоход гаднаасаа алтан шаргал болж эхэлнэ. Ингээд л амттан маань бэлэн боллоо.
Бэлтгэсэн:
А.ЗУЛ