УИХ-ын гишүүн Г.Уянга өнөөдөр мэдээлэл хийлээ. УИХ-ын Хууль зүйн байнгын хорооны өчигдрийн хуралдаанаар Монгол Улсын Ерөнхийлөгч Үндсэн хууль зөрчсөн эсэх талаар Үндсэн хуулийн цэцэд хүсэлт гаргах тухай УИХ-ын гишүүн Г.Уянгын хүсэлтийг хэлэлцэх байсан. Гэвч уг асуудлаар УИХ дахь МАН-ын гишүүд завсарлага авсан юм. Энэ асуудал нь Ерөнхийлөгчийн Жастин Капла нарт үзүүлсэн уучлал Үндсэн хууль зөрчсөн эсэх тухай байжээ. Харин Г.Уянга гишүүн мэдээлэл хийхдээ “Ерөнхийлөгч Ц.Элбэгдорж Жастин Каплаг өршөөсөн нь хууль зөрчсөн гэж үзэж байгаа. Тухайн үед хоёр орны гадаад харилцааны асуудал гэж үзээд хүндэтгэлтэй хандаж байсан. Гэвч тэдгээр хүмүүс Монгол Улсад татварынхаа өрийг барагдуулахгүй байна. Тиймээс энэ асуудлыг УИХ-ын байнгын хороо болон чуулганаар хэлэлцэх ёстой” гэв. Мөн Тусгаар тогтнол Эв нэгдлийн намын даргын хувьд УИХ-ын гишүүн Л.Цогийг Улс төрийн бодлогын зөвлөх болох саналыг тавьсан байна. Л.Цог гишүүн уг саналыг хүлээн авч тус намд элсчээ. УИХ-ын гишүүн Л.Цогийн хувьд МАХН-аасаа албан ёсоор гарсан юм.