УИХ-ын гишүүн М.Батчимэгийн зөвлөх хийж байсан З.Пагмажавыг өнгөрсөн оны наймдугаар сард баривчилсан. Түүнийг шүүхээс улсын нууц задруулсан нь тогтоогдсон гэж үзэн Эрүүгийн хуулийн 79.1-ээр зүйлчилж, 16 жилийн ял оноосон юм. Гэвч З.Пагмажав уг шийдвэрийг эсэргүүцэж, Давж заалдах шатны шүүхэд гомдол гаргасан байдаг. Давж заалдах шатны шүүх тус хэргийг нэмэлт мөрдөн байцаалтад буцаасан билээ.
Одоогоор З.Пагмажав нь батлан даалтад гарч, гадуур байцаагдаж буй юм байна. Эх сурвалжийн мэдээлснээр түүний биеийн байдал нь хүнд байгаа аж. Тэрээр УИХ-ын гишүүн М.Батчимэгийг Ерөнхийлөгчийн үндэсний аюулгүй байдлын бодлогын зөвлөхөөр ажиллаж байх үеэс зөвлөхөөр нь ажилласан байдаг. М.Батчимэг гишүүний хувьд Тайвань улсад 2005-2008 оны хооронд Тайбэй дахь Улаанбаатарын худалдаа, эдийн засгийн газрын төлөөлөгчийн газрын тэргүүнээр ажиллаж байжээ.