Канадын Торонто хотод зохиогдож буй Олон улсын хөрөнгө оруулагчдын чуулга уулзалтын үеэр Монгол Улс “Уул уурхайн форум” зохион байгуулсан байна. Уг форумд Сангийн сайд, Ашигт малтмалын газрын дарга, “Эрдэнэс Монгол” компанийн Гүйцэтгэх захирал нар оролцож, мөн хөрөнгө оруулагчдаас 100 орчим төлөөлөл оролцжээ.
Сангийн сайд Б.Болор уулзалтын үеэр Засгийн газар олон улсад 500 сая ам.долларын бонд гаргаж магадгүй талаар мэдээлжээ. Тэрбээр “Энэ асуудлаар олон улсын санхүүгийн байгууллагуудтай өнгөрсөн долоо хоногт Вашингтон болон Торонто хотноо уулзалт зохион байгуулсан. Засгийн газар ойрын хугацаанд шийдвэр гаргана” гэсэн байна.