Өвлийн олимпийн аварга Б.Сумъяа өнөөдөр эх орондоо ирлээ. Тэрбээр Норвегийн Лиллехаммер хотноо болсон залуучуудын өвлийн II олимпод гүйлтийн тэшүүрийн төрөлд оролцож, алтан медаль хүртсэн юм. Б.Сумъяа гүйлтийн тэшүүрийн төрөлд Үндэсний олимпийн хороодын нэгдмэл багийн уралдаанд оролцон, залуучуудын олимпийн аварга болсон юм. Түүний хувьд Итали, БНСУ, БНХАУ-ын тамирчидтай БАГ-6 нэрээр оролцож, эх орондоо өвлийн олимпийн анхны алтан медалийг авчирсан нь энэ.