“Өдрийн сонин”-ы лхагва гаригийн шинэ дугаар хэвлэгдэн уншигч, захиалагчдадаа хүрч байна. Өнөөдрийн дугаараас онцлох нийтлэл, ярилцлага сурвалжлагыг тоймлон хүргэе.
С.Зориг агсны эхнэр Б.Булганыг цагдан хориод багагүй хугацаа өнгөрч байна. “Өдрийн сонин” өнөөдрийн дугаартаа Б.Булганы ээжийн ярилцлагыг нийтэллээ. Охиныхоо төлөө сэтгэл зовж суугаа нас өндөр ээж нь энэ болсон явдлын тухай юу гэж ярьсныг уншаарай.
Мөн өнөөдрийн шинэ дугаартаа УИХ-ын гишүүн Лу.Болдын ярилцлагыг онцоллоо. Тэрбээр АН-д шинэ фракц бий боллоо гэх мэдээллийн тухайд юу гэж ярьсныг сонирхоорой.
“Өдрийн сонин”-ы нийтлэлийн бодлогыг тодорхойлдог, алдарт гуравдугаар нүүрт Төрийн шагналт, нэрт нийтлэлч Баабарын “Гондоонтой муураа” нийтлэл хэвлэгдлээ.
Харин Улс төрийн мэдээллийн буланд ХҮН-ын Ерөнхий нарийн бичгийн дарга Ж.Доржхандын ярилцлага гарлаа. Намын дотоод зөрчлөөс үүдэн нэлээдгүй бужигнаж буй ХҮН-ын нийгмийн анхаарал татсан асуудлыг тэр хэрхэн тайлбарлаж буйг унших боломжтой юм.
Мөн өнөөдрийн дугаарын нэгэн сонирхолтой ярилцлага бол дуучин Нарагийн ярилцлага. УИХ-д нэр дэвшихээ зарлаад буй залуу дуучин цахим орчинд олны дэмжлэгийг багагүй хүлээж буй. Бас шүүмжлэлийг ч хүртэж буй. Тэр нийгэмд шуугиан дэгдээсэн энэ шийдвэрийнхээ тухай юу гэж ярьсныг манай дугаарын 12 дугаар нүүрээс хүлээн авч уншаарай.
Яруу найрагч Ц.Хулангийн ярилцлага ч өнөөдрийн дугаарын анхаарал татах нүүр мөн. Аливаа үзэл бодлоо гал цогтой илэрхийлж, хатуу хурц үгээр чимхээд авдаг Ц.Хулан найрагч энэ удаад юу гэв? 13 дугаар нүүрээс уншина уу.
Цагдаагийн алба хаагч гэр оронгүй хүмүүст тусалсан тухай болон Мүүний шашны талаарх судлаачийн ярилцлагыг шинэ дугаартаа гаргаад байна.
Сүүлийн үед сошиал сүлжээнд томоохон маргаан дэгдэж буй Мүүний шашны талаар МУИС-ийн багш, шашин судлаач С.Дэмбэрэл “Хүний шүтэх эрхийг бүдүүлгээр зөрчдөг” гэсэн юм.
Эдгээр гадна “Дэлхийн хүмүүс” буланд алдарт сагсан бөмбөгч Коби Брайнтын тухай нийтэллээ. Тэрбээр зодог тайлж байгаа бөгөөд шүтэн бишрэгчдийнх нь хувьд Коби дахин тоглохгүй гэхээс харуусалтай байгаа. Цагийг эзэгнэсэн, алдарт Коби Брайнтын тухай өнөөдрийн дугаараас уншаарай.
Энэ мэтчилэн манай сонины өнөөдрийн дугаар нийгмийн анхаарал татсан олон сэдвийг хөндөж, хуваарьт булангууд уламжлалын дагуу гарлаа.
Та манай сониныг шуудангийн салбарууд, сонин түгээх цэгээс худалдан аваарай. Захиалга өгөхийг хүсвэл 99112954 дугаарт холбогдоорой.