Парис хотноо жудо бөхийн “Их дуулга” тэмцээн энэ өдрүүдэд болж байгаа билээ. Өчигдөр тэмцээний эхний өдөр манай 12 жудоч татамид гарч барилдсан юм. Тэднээс эрэгтэйчүүдийн 66 кг-ын жинд Д.Төмөрхүлэг, эмэгтэйчүүдийн 48 кг-ын жинд гавьяат тамирчин М.Уранцэцэг, 57 кг-ын жинд гавьяат тамирчин Д.Сумъяа нар мөнгөн медаль хүртээд байна.
Ийн эхний өдөр манай шигшээ багийнхан гурван мөнгөн медаль хүртэж, жагсаалтын зургадугаар байрт бичигдэж явна. Энэ удаагийн тэмцээнд 96 орны эрэгтэй 386, эмэгтэй 224, нийт 610 бөх өрсөлдөж байгаа юм. Өнөөдрийн барилдаан Улаанбаатарын цагаар 16:00 цагаас эхэлж, финалын барилдаан үдшийн 00:00 цагаас явагдах юм. Монголын жудочид өнөөдөр долоон жинд гарч барилдана.
