2016 оны санхүүгийн жилд хэрэгжих япон хэл, япон соёлын чиглэлээр суралцаж буй оюутнуудад зориулж Япон улсын Боловсрол, шинжлэх ухааны яам тэтгэлэгт хөтөлбөр зарлалаа.
Тус яам нь 2016 оны санхүүгийн жилийн Япон улсын Засгийн газрын тэтгэлэгт хөтөлбөрийн хүрээнд Японы их дээд сургуульд япон хэлний мэдлэг, соёлын талаарх мэдлэгээ дээшлүүлэх зорилгоор суралцахын тулд шалгалт өгөх хүсэлтэй монгол оюутнуудыг бүртгэж байна.
Бүх шатны шалгалт, шалгаруулалтад эцсийн байдлаар тэнцсэн оюутан энэ оны 10 дугаар сараас Японы их дээд сургуульд япон хэл, япон соёл судлаач оюутнаар нэг жилийн хугацаанд суралцана.
Суралцах хугацаанд сар бүр 117,000 иений тэтгэлэг олгох бөгөөд бүртгэлийг энэ сарын 22-26-нд Монгол-Япон төвд зохион байгуулах юм байна.