Дөнгөж сая Төрийн ордны “Их Эзэн Чингис хаан танхим”-д АН, ИЗНН хоёр санамж бичигт гарын үсэг зурлаа. Энэ үеэр хоёр намын тэргүүн болон төлөөллүүд байлаа. Хоёр нам санамж бичигт гарын үсэг зурснаар нэгдэж байгаа гэсэн үг биш бөгөөд цаашдын ажилд хамтран нэг нэгнээ дэмжин ажиллана гэсэн ерөнхий утгатай аж.
Учир нь Ардчилсан намын дарга З.Энхболд “ИЗНН манай намтай үзэл баримтлалын хувьд чиг нэгтэй учраас бид нэгдэх санал тавьсан” гэсэн юм. Харин ИЗНН-ын дарга С.Оюун “АН-ын зүгээс гаргасан санал санаачилга, ажлыг нам дотроо хэлэлцээд дэмжихээр бол шат шатандаа шийдээд явна” гэв.
Гэрэл зургуудыг Ц.МЯГМАРСҮРЭН