Өнөөдөр ХЭҮК-оос хүний эрх хамгийн их зөрчигдөж байгаа салбаруудыг нэрлэсэн байна. Сүүлийн жилүүдэд хууль, шүүхийн байгууллагад хүний эрхийн зөрчил багассан бол эмнэлэг эрүүл мэндийн салбарт хүний эрх ихээр зөрчигдөж байна. Тэр дундаа эмчилгээгүй гэсэн оноштой өвчтөн эрхээ эдэлж чадахгүй байсаар хорвоог орхих тохиолдол маш элбэг байгаа юм. Учир нь хөнгөвчлөх эмчилгээ үзүүлэх үйлчилгээг хуульчлаагүйн улмаас олон иргэн ямар ч эмчилгээ тусламж авч чадахгүй байсаар хорвоог орхиж байгааг “Монголын хөнгөвчлөх эмчилгээ” нийгэмлэгээс судалгаагаар тогтоожээ.