УИХ-ын чуулганы нэгдсэн хуралдаанаар зарим байнгын хороодын бүрэлдэхүүнд өөрчлөлт оруулах асуудлыг хэлэлцэж, шийдвэрлэсэн. Энэ талаар УИХ-ын Төрийн байгуулалтын байнгын хорооны дарга А.Бакей тайлбар хийлээ.
Н.Номтойбаяр, Л.Цог нарын гишүүд дээрх асуудлыг хүч түрэн шийдэж, УИХ-ын дэгийн тухай хуулийг ноцтой зөрчсөн хэмээсэн.
Тэгвэл Төрийн байгуулалтын байнгын хорооны дарга А.Бакей “УИХ хууль зөрчсөн ямар нэгэн алхам, үйл ажиллагаа хийгээгүй. Төрийн ажлыг гацаанаас гаргахын тулд ном журмынх нь дагуу ажилласан” гэж тайлбарлалаа.