Залуусын “80&80” клубийнхэн их, дээд сургуулийн 3-4 дүгээр дамжаанд гурваас дээш голч дүнтэй суралцдаг оюутнуудад сар бүр 80 мянган төгрөгийн тэтгэлэг олгохоор болжээ. Тэтгэлгийг олон нийтийн үйл ажиллагаанд идэвхтэй оролцдог, бага орлоготой өрхийн оюутнуудад өгөх юм байна. Учир нь тэтгэлгийг эдийн засгийн хямралтай үед санхүүгийн бэрхшээлийн улмаас үргэлжлүүлэн суралцахад хүндрэлтэй байгаа оюутнуудад дэмжлэг үзүүлэхээр өгч байгаа гэнэ.
Энэ тэтгэлэгт хамрагдах хүсэлтэй оюутнууд “Би монгол мөрөөдлийг бүтээнэ” гэсэн 500 үгтэй эссэ бичих шаардлагатай. Анхны шалгаруулалтыг бүрдүүлсэн материал болон эссэг үндэслэн явуулна. Шалгарсан оюутнуудыг ганцаарчилсан ярилцлагад урих юм байна. Тэтгэлгийн бүртгэл ирэх сарын 16-нд дуусна.