Өнөөдөр Япон улсад Ази тивийн 2016 оны аварга шалгаруулах дугуйн бөөн болон цуваа гарааны тэмцээн болж байна. Тэмцээний 19-23 насны ангиллын 33км-ийн цуваа гараанд манай тамирчин, ОУХМ Б.Марал-Эрэнэ тэргүүн байр эзэлж Ази тивийн аварга боллоо.
Азийн аварга шалгаруулах тэмцээнд манай улсаас 18 хүртлэх насанд дөрөв, 19-23 хүртлэх насанд дөрөв, 24-өөс дээш буюу насанд хүрэгчдийн ангилалд таван тамирчин оролцож байна. Мөн эмэгтэй дугуйчдаас ОУХМ Ж.Өлзийсолонго, Т.Энхжаргал нар хурдаа сорих юм.