Төсвийн байнгын хорооны хуралдаанаар “Тогтоолд өөрчлөлт оруулах тухай” УИХ-ын тогтоолын төслийн анхны хэлэлцүүлгийг хийв. Хэрвээ уг хууль батлагдвал 0-18 насны нийт хүүхдэд сар бүр 20 мянган төгрөг олгох юм.
Хэлэлцэж буй асуудалтай холбогдуулан УИХ-ын гишүүд “Уг хуулийн төслийг дэмжиж байна. Бусад хуулиудтай уялдуулах ёстой. Хүүхдийн мөнгийг халамж гэж үзэж болохгүй. Хүн амынхаа хөгжилд оруулж буй хөрөнгө оруулалт гэж үзэх ёстой” гэлээ.
УИХ-ын гишүүн Д.Оюунхорол, “Энэ ажлыг хариуцаж буй ажилтнууд хариуцлагатай ажиллах хэрэгтэй. Цас зудын бэрхшээлтэй энэ үед мэдээлэлгүйгээс хүүхдүүд мөнгөө авч чадахгүй хоцрох вий. Тиймээс ямар нэг ялгаваргүйгээр хүүхдийн мөнгийг олгоход анхаарах нь зүйтэй юм” гэлээ. УИХ-ын гишүүн Д.Батцогт энэ үеэр тус тогтоолын төслийг анхны хэлэлцүүлгээр нь батлах горимын санал гаргахад олонх дэмжив.