“Twitter” компани хэрэглэгчийн жиргээний 140 тэмдэгтийн хязгаарыг нэмэгдүүлэх талаар хэлэлцэж байгаа хэмээн мэдэгджээ.
“Twitter”-ийн нэг жиргээ буюу нэг нийтлэлд багтаах тэмдэгтийн дээд хязгаарыг 10 мянга хүртэл өсгөх магадлалтай гэв
Өөрөөр хэлбэл энэ хэмжээний бичвэр нь 20 минутын ярианы урттай тэнцэнэ гэсэн үг. Урьдчилсан туршилтын үр дүнгээс хамааран энэ хэмжээг 5000 болгон бууруулж магадгүй байгаа аж. “Facebook” нийгмийн сүлжээний нэг нийтлэлийн тэмдэгтийн дээд хязгаар 5000 байдаг. “Twitter-“ийн үүсгэн байгуулагчдын нэг Жэк Дорси тус компанийн гүйцэтгэх захирлаар ажиллаж эхэлснийхээ дараа өнгөрсөн наймдугаар сард хэрэглэгч хоорондын мессежийн 140 тэмдэгтийн хязгаарыг арилгасан юм. Түүнчлэн өнгөрсөн сараас эхлэн “Twitter” зарим хэрэглэгчдийн нүүр хуудаст нийтлэлүүд цаг хугацааны дарааллаар бус, ач холбогдлын дарааллаар гаргахыг туршиж байна. 2006 онд “Twitter”-ийн ихэнх хэрэглэгч гар утасны мессеж ашиглан жиргэдэг байсан учраас нэг жиргээний тэмдэгтийн хязгаарыг нэг мессежийн тэмдэгтийн хязгаартай ижил буюу 140 гэж тогтоож байсан юм.