Залуу
уяачдын дунд сургалт болжээ. Тодруулбал, “Нүүдэлчдийн дуу хоолой” Төрийн бус
байгууллага, “Уяачийн эрдэм” фэйсбүүкийн хуудас хамтран залуу уяачдын сургалтыг
нийслэл хотноо зохион байгуулж байгаа юм байна. “Уяачийн эрдэм” морь
уях арга барилаас суралцах сургалтад Улаанбаатар хот болон орон нутгийн 71 уяач
хамрагджээ. Тухайлбал, орон нутгаас Завхан, Ховд, Архангай, Сэлэнгэ,
Өвөрхангай, Дундговь, Дорноговь, Дорнод, Орхон, Хэнтий, Төв аймгийн уяачид
хүрэлцэн ирсэн байна. Энэхүү сургалтад Монгол Улсын тод манлай уяач, Д.Онон
морь уях уяаны талаар өөрийн олон жилийн туршлага үнэт зөвлөгөөг залуу үедээ
сургамж болгон үлдээж, мэдлэг туршлагаасаа хуваалцаж буй аж.