АНУ-ын сэтгэл
судлаачид саяхан нэгэн судалгаа хийснээ олон нийтэд танилцуулжээ. Тэнд хүүхдийн
хүмүүжилд аавуудын үүрэг маш чухал нөлөө үзүүлдгийг дурдсан байв.
Хүүхэд том
болоод ямар хүн болох, зан ааш нь ямархуу байх нь гэр бүлийн гэхээсээ илүүтэй аавуудын
хүмүүжил, үйлдэл бүртэй нь шууд холбоотой байдаг гэнэ. Нийгэмд чухал байр суурь
эзлэх, амжилт гаргах зэрэгт хүүхдийн хүчин чармайлт дөнгөж 20 хувьтай байдаг ажээ.
Үлдсэн хувь нь аавуудтай холбоотой юм байна. Хэчнээн их ажилтай байсан ч гэлээ өдөрт
хорьхон минутын цаг зав гарган хүү, охинтойгоо ярилцаж чадвал таны хүүхэд том болоод
өөрөөс тань илүү амжилт гаргах нь. Үлгэр ярьж өгч, анги дээрээ юу хийсэн тухай нь
асуувал хүүхдийн өөртөө итгэх итгэл нэмэгддэг байна. Мөн бага балчир гэж гололгүйгээр
аливаа асуудлыг шийдэхдээ хүүхдээсээ заавал санал бодлыг нь асууж байвал ухаан нь
тэр хэрээр хөгждөг болохыг судалгааны дүн харуулжээ. Тэгэхээр та өөрийнхөө хүүхдийг
олны дунд гялалзсан амжилт гаргаасай гэж хүсэж байвал өнөөдрөөс эхлэн орой бүр
20 минут ярилцаад үзээрэй. Эцэг, эхдээ өөрийнхөө санаа бодлыг сонсгож байгаадаа
хүүхдүүд маш их баярладаг. Улмаар өөртөө итгэлтэй болохын зэрэгцээ бусдад хүндэтгэлтэй
хандаж сурдаг юм байна шүү.