TIME сэтгүүл жил бүр оны шилдэг хүнийг тодруулдаг уламжлалтай. Энэ удаагийн шилдгүүдээр эцсийн шатанд үлдсэн найман хүн тунаж үлджээ.
Абу Бакр Аль-Багдади (Abu Bakr Al-Baghdadi), Исламын улс бүлэглэлийн удирдагч
Black Lives Matter хөдөлгөөнийхөн, Африк гаралтай Америкчуудын эрх, ялангуяа хууль хүчний байгууллагуудын ялгаатай хандах үзлийн эсрэг тэмцэгчид
Кайтлин Женнер (Caitlyn Jenner), хүйсээ солиулсан трансжендер эмэгтэй, ЛГБТ хүмүүсийн тэгш эрхийн асуудлыг нийгмийн анхаарлын төвд оруулсан
Травис Каланик (Travis Kalanick), Uber компаний гүйцэтгэх захирал, $70 тэрбумын үнэлгээтэй онлайн такси үйлчилгээний компани байгуулж, sharing economy-ын сөрөг талыг харуулан багагүй шүүмжлүүлсэн хүн
Ангела Меркель (Angela Merkel), Германы канцлерь, Евро бүсийн эдийн засгийн асуудлаас эхлээд дүрвэгсдийн хямрал гээд олон сэдвээр анхаарлын төв байсан хүн
Владимир Путин (Vladimir Putin), ОХУ-ын ерөнхийлөгч, Украйны хямралаас болон Барууны хориг арга хэмжээнд орсон ч Исламын улс бүлэглэлийн эсрэг дайнд том үүрэг гүйцэтгэж байгаа хүн
Хассан Рухани (Hassan Rouhani), Ираны ерөнхийлөгч, барууны хориг арга хэмжээнд удаан оршсон улс орноо шоовдорлогдсон байдлаас гарган Барууныхантай цөмийн хэлэлцээр хийж чадсан хүн
Дональд Трамп (Donald Trump), Бүгд Найрамдах Намаас ерөнхийлөгчийн сонгуульд нэр дэвшигч, популист үг хэл, үйлдлээрээ рэйтинг өндөртэй яваа хүн юм.
Эдгээр найман хүнээс цорын ганц нь 2015 оны дэлхийн онцлох хүнээр шалгарна.