Өнгөрөгч бямба гарагт Лалын улс бүлэглэлийн амиа золиослогчид Францын нийслэл Парис хотноо долоон цэгт бөмбөг тэсэлж, буудаж 129 хүний амийг хөнөөсөн аймшигт хэрэг гарсан билээ. 2004 оноос хойшхи анх удаагийн энэхүү алан хядах үйл ажиллагаанд Францын ард түмэн тэр чигээрээ цочирдсон.
Олон зуун хүнээ алдаж, мөн тооны хүмүүсээ гэмтээж бэртээсэн Францын удирдлагууд өчигдрөөс эхлэн Сирийн алан хядагчдын байрлаж буй Ракка хот руу халдага үйлдэж мөн тооны гэмгүй иргэд, алан хядагчдын сургалтын бааз руу халдага үйлдсэн.
Тэгвэл тус Лалын улс бүлэглэл дараагийн бай нь Москва, мөн Вашингтон, Нью-Йорк хот хэмээн өнөөдөр мэдэгдсэн. Шашин хоорондын мөргөлдөөн хэмээн тодорхойлж буй энэ зэвсэгт мөргөлдөөний золиос болохоос сэргийлж ойрын хугацаанд олон хүн цугласан газраар явахгүй байхыг Москва хотод суугаа Монгол Улсын Элчин сайдын яамнаас иргэддээ анхааруулжээ.
Алан хядагчид хүн ам ихээр төвлөрсөн спортын тоглолт, урлагийн тоглолт зэргийг сонгож байгаа учраас анхаарал болгоомжоо дээшлүүлэхийг иргэддээ сануулсан байна. Дан ганц манай элчин сайдын яам ч бус бусад улсын элчин сайдын яамдууд ч иргэддээ сануулга хүргэж эхэлжээ.