Чингэлтэй дүүргийн иргэн Ч.Мөнхтүшиг
Хорооны эмч нар харилцааны соёлгүй, мэдлэг байхгүй юм. Нэг эмч нь бүх төрлийн өвчинг үздэг юм шиг, нэг бол тус тусдаа өөр өөр эмч байдаг ч юм шиг олон ааштай хүмүүс байх юм. Жишээ болгож ярихад “Би охинтойгоо үзүүлэх гэж яваад зүрхээ үзүүлчээд өөр эмэгтэйчүүдийн мэргэжлийн эмч гэсэн өрөөний гадна зөвлөгөө авах гээд сууж байсан чинь гарч ирээд түрүүн өөр эмчид үзүүлчихсэн байж дахиад үзүүлэх гээд байж байх юм, эмч нарыг голоод ялгаад байгаа юм уу хаашаа юм. Гэж том том дуугарч зөвлөгөө өгөх нь бүү хэл хэл амаар доромжилж гарлаа”.
Өмнө нь байсан дүүргийн эмнэлэгт хяналтанд байдаг байсан гээд энд хяналтанд орох гэсэн чинь шинжилгээ чинь зүгээр байна гээд аваагүй.
Бие өвдөөд үзүүлье гэхээр үзэхгүй. Тийм болохоор заавал дээд шатны эмнэлэг болон таньдаг хүндээ хандаж байж эмнэлэгт хэвтдэг. Ингээд эмнэлгээс гарч аюул өнгөрсний дараа бичиж өгсөн эмчилгээ нь таарахгүй. Нэг бол нэг төрлийн эмээр бөмбөгддөг. Өөр эмчээс лавлаж асуухаар нэг төрлийн өөр нэртэй эмийг баахан биччихсэн байна гэх юм. Мэдэхгүй уухаар нь давхцаад зарим нь дооз нь ихдээд охиноо алдах дөхсөн. Мөн энэ хороонд шилжиж ирээд нөхрийгөө тархи толгойны гэмтэлтэй, өмнө байнгын хяналтад байсан гээд үзүүлсэн чинь сайн мэдэхгүй юм байна, түргэн дуудаад үзүүлчих гэж хэллээ. Ажил тарсны дараа түргэн дуудахаар хурдан ирдэг юм. Та түргэнээ дуудачих гэх энэ үгийг олон сонсох боллоо. Хорооны өрхийн эмнэлэгт шинэ төгсөж ирсэн , дадлагын эмч нар байх юм. Соёл, мэдлэг чадвар юу ч байхгүй. Иргэдийг баахан худлаа үнэн эмээр бөмбөгдөөд л сууж байх юм. Сүүлдээ ч очиж үзүүлэхээсээ зайлсхийдэг болсон. Жор мэдэхгүй эмчээс зовлон үзсэн чавганц дээр гэдэг л энэ хорооны эмнэлгүүд дээр харагдах юм.