Баян-Өлгий аймгийн Улаанхус сумын Баянзүрх дугаар багийн иргэн 24 настай А гэх эмэгтэй энэ сарын 9-нд сураггүй болжээ. Тэрээр гэрээсээ
13:30 цагийн орчимд гараад сураг тасарчээ. Түүнийг ар гэрийнхэн нь хайж хүлээсэн боловч ирээгүй тул 10-ны өдрийн 09:20 цагт сумын төвд ирж дуудлага өгчээ. Ингээд тус сумын Засаг даргын Тамгын газрын даргаар ахлуулсан 5 хүн, 2 автомашинтайгаар эрэн хайх ажиллагааг зохион байгуулсан юм байна.
Сураггүй болсон эмэгтэйг 18:30 цагт “Асгант” гэдэг газраас олжээ. Тэрээр эсэн мэнд байсан тухай холбогдох хүмүүс мэдээлж байна.