Афганистаны хэт даврагч “Талибан” бүлэглэлийн дайчид өнгөрөгч оны арванхоёрдугаар сард Пакистаны Пешавар мужид байрлах цэргийн албан хаагчдын хүүхдүүд суралцдаг сургуулийн багш сурагчдыг 48 цаг барьцаалсан билээ. Сургуульд 50 багш болон 589 хүүхэд байжээ. Хэт даврагчид хүүхдүүд болон багшаас коран судрын хэсгээс асуугаад мэдэхгүй бол шууд буудаж байсан хэмээн гэрчүүд мэдээлсэн билээ. Тэднийг гарт 141 хүүхэд харамсалтайгаар амиа алдсан.
Талибанчууд сургуульд халдлага үйлдсэн шалтгаанаа Малала охин Нобелийн шагнал авсантай холбон тайлбарласан юм. Цагдаа нар сургууль барьцаалсан хэт даврагчдын зургааг нь амьдаар нь баривчилсан бөгөөд тэдэнд цаазаар авах ял оноосон тухай Ройтерс агентлаг мэдээллээ. “Тэднийг олны өмнө цаазлах болно” гэж Пешавар мужийн захирагч Хамир аль Нухан мэдэгдсэн байна.
Шүүхийн шийдвэрийн дараа олон мянган Пакистанчууд харамсалтайгаар хорвоог орхисон хүүхдүүдийг дурсаж, нэг минут дуугаа хураан зогссон байна. Ерөнхийлөгч Ашраф Гани твиттертээ “Та бүхнийг бид мартахгүй” гэж жиргэжээ.