ОХУ өнгөрсөн зургаадугаар сарын сүүлчээр Европын холбооны зарим оронд тавьсан хүнсний импортын хоригийг нэг жилээр буюу 2016 оны зургаадугаар сарын 23-ныг хүртэл сунгах шийдвэр гаргасан билээ.
Тэгвэл хүнсний импортын хориг тавьсан орнуудын жагсаалтыг дахин дөрвөөр нэмсэн байна.
Албани, Монтенегро, Лихтенштейн, Исланд гэсэн дөрвөн улсад импорын хориг тавьсан тухай ОХУ-ын Ерөнхий сайд Дмитрий Медведев өчигдөр мэдэгджээ. Мөн тэрбээр 2016 онд Украинаас зарим нэр төрлийн хүнсний бүтээгдэхүүн импортлохыг хориглоно гэдгийг ч хэлсэн байна.
Харин АНУ болон Канад, Норвеги, Австрали тэргүүтэй Европын холбооны 28 орон ОХУ-ын эсрэг эдийн засгийн хоригийг 2016 оны наймдугаар сарын 5 хүртэл үргэлжлүүлэхээр болоод байна. Эдгээр орнууд мах, загас, сүү сүүн бүтээгдэхүүн, хүнсний ногоог Орос руу экспортлохыг хоригложээ.