Гуравдугаар сургуулийн барилгын ажил 80 хувьтай үргэлжилж байна. Гүйцэтгэгч компаниар “Алтанбулаг трейд” шалгарсан юм. Одоогоор үндсэн барилгын ажил дуусчээ. Харин гадна зам талбай, явган зам, автомашины зогсоол зэрэг тохижилтыг хийж байна. Тус компанийн инженерийн мэдээлж буйгаар бороо хур ихтэй байгаа ч саатах зүйлгүй, төлөвлөсөн хугацаандаа дуусгана гэв. Төлөвлөгөө ёсоор гуравдугаар сургуулийн барилгын ажлыг ирэх намар дуусгах юм. Ингээд сурагчид нь ирэх есдүгээр сараас шинэ сургуульдаа орно.
Дашрамд дуулгахад, гуравдугаар сургуулийн барилгыг насжилт дууссан хэмээн акталж сурагчдыг дөрөв, 16 дугаар сургуулийн хэсэг өрөөнд хичээллүүлэхээр болсон. Улмаар гуравдугаар сургуулийн барилгыг гурван жилийн өмнө нурааж шинээр барих шийдвэр гарсан ч ажил багагүй хугацаанд зогссон юм.