“Монгол-Францын археологийн нээлт”-үүд үзэсгэлэн өнөөдөр нээлтээ хийлээ. ШУА-ийн Түүх, археологийн хүрээлэн, Францын Цөлийн ба хээр талын хүрээлэнгээс гаргаж байгаа энэ үзэсгэлэнд нийтдээ 300 гаруй олдворыг олон нийтэд дэлгэн үзүүлж байна. “Монгол улс, Францын археологийн нээлт”-үүд үзэсгэлэн өнөөдрөөс эхлэн ирэх сарын 30 хүртэл Монголын Үндэсний музейд үзэгчдийн хүртээл болох юм. Үзэсгэлэнг Монгол, Франц хоёр улсын хооронд дипломат харилцаа тогтоосны 50 жилийн ойд зориулан гаргаж байгаа аж.