Монгол Улсын Ерөнхий сайд Ч.Сайханбилэгийн урилгаар Монгол Улсад айлчилж буй Энэтхэгийн Ерөнхий сайд Нарендра Моди өчигдөр орой “Чингис хаан” нисэх онгоцны буудалд газардсан билээ.
Өнөөдөр өглөө түүнийг Монгол Улсын Ерөнхий сайд Чингисийн талбайд угтан авснаар албан ёсны айлчлал эхэллээ.
Энэхүү айлчлалын үеэр хоёр улсын Ерөнхий сайд албан ёсны хэлэлцээ хийх бөгөөд Энэтхэгийн Ерөнхий сайд Н.Моди Монгол Улсын Ерөнхийлөгч, УИХ-ын дарга нарт бараалхаж, өнөөдөр болох УИХ-ын хүндэтгэлийн чуулганд үг хэлэх юм.
Айлчлал энэ сарын 16-18-ны өдрүүдэд үргэлжилнэ.