“Өдрийн сонин”-ы бямба гаригийн дугаар хэвлэгдэн гарлаа. Энэ дугаарын гуравдугаар нүүрт “Монголчуудын талхтай байх эсэх нь газар тариалангийн хөгжлөөс шалтгаална” хэмээх нийтлэл хэвлэгдлээ. Энэ нийтлэлд юун тухай хөндсөнийг уншигч та бүхэн тольдоорой. Мөн энэ нүүрт өнгөрсөн долоо хоногт гарсан гэмт хэргүүдийг тоймлон хүргэж байна.
Өчигдөр Төрийн ордонд Монголын цахим сэтгүүлзүйн анхдугаар форум боллоо. Энэ форумаас хийсэн сурвалжлагыг нэгдүгээр нүүртээ онцолж байна. Анх удаа болж байгаа форумаар цахим орчинд үйл ажиллагаа эрхэлж байгаа хэвлэл мэдээллийнхэн тулгамдаж буй асуудал, хөгжлийн чиг хандлага зэргээ ярилцлаа.
УИХ-ын чуулганы хуралдааныг манай парламентын сэтгүүлч сурвалжиллаа. Хуралдаанд Ерөнхий сайд оролцож татварын асуудлаар мэдээлэл хийсэн юм. Тэрбээр “Бид татвар нэмэхгүй, бас багасгахгүй” гэлээ. Энэ тухай нэг, хоёрдугаар нүүрээс уншина уу.
Бямба гаригийн дугаарт ордог уламжлалт “Нэг ангийнхан” буланд “Ардчиллын салхийг сэвэлзүүлсэн нэг ангийнхан” оролцлоо. Ховдын нэгдүгээр сургуулийг 1964 онд төгссөн хамт олон энэ удаагийн дугаарт ийнхүү орж байгааг нэг, зургадугаар нүүрээс уншаарай. Мөн “Өдрийн зочин” буландаа Монгол Улсын гавьяат тамирчин Б.Сэр-Одыг онцолж алдаршуулж байна. Монголыг дэлхийд алдаршуулж яваа энэ тамирчин 2016 оны олимпод оролцох эрхээ аваад байгаа юм. Түүний марафон гүйлтэд Монголын нэрийг гаргаж яваа гайхамшигт хөдөлмөрийг алдаршуулахаас аргагүй билээ. Тавдугаар нүүрт нийтэллээ.
Өнөөдрийн дугаарын долдугаар нүүрээс “Хадаа аваргын сумын заан, улсын начин болсон түүх” хэмээх дурсамжийг унших биз ээ. Монгол бөхийн түүхэнд мөнхөрсөн хүчит аваргын тухай дурсамжийг манай сэтгүүлч Э.Хүрэлбаатар бичиж байна.Эдгээр болон Амрах агшин, Таны гал тогоонд, Ном ярьж өгье, Дэлхийн мэдээ, Өд, бэх зэрэг тогтмол булангуудыг хүлээн авна уу.
Дашрамд дуулгахад, “Өдрийн сонин”-ы хоёрдугаар улирлын нэмэлт захиалга явагдаж байна. Манай сониныг захиалахыг хүсвэл 9911-2954, 8811-1375 дугаарт холбогдож захиалгаа өгөөрэй. Мөн цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
Эрхэм уншигч та, манай сонинг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлана уу.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ