Цахим системээр газар өмчлүүлэх хоёрдугаар ээлжийн бүртгэл нэгдүгээр сарын 26-ны өдрөөс хоёрдугаар сарын 9-ний өдрийн хооронд болж дууссан билээ. Нийслэлийн найман газарт иргэдийг цахимаар бүртгэсэн. Цахим системээр газар өмчилж авахаар 13821 иргэн сонгогдсон бөгөөд эдгээр иргэд хоёрдугаар сарын 11-ний өдрөөс эхлэн харъяа дүүргийн Өмч, газрын харилцааны албанд хандаж газар өмчлөх өргөдлөө баталгаажуулахаар болсон. Газар өмчлөлийн өргөдөл баталгаажуулалтын үеэр Сар шинийн баярын өдрүүд таарсан учир хоёр өдрөөр сунгаж, энэ сарын 28-ны өдөр хүртэл иргэдээс өргөдөл хүлээн авсан.
Гэтэл энэ хугацаанд иргэд газар өмчлөх эрхээ хангалтгүй баталгаажуулжээ. Иймд олон мянган хүнээс нэгэнт сонгогдож, газар өмлөх бүртгэлд сонгогдсон учир тэрхүү эрхийг нь баталгаажуулах боломж олгох үүднээс НӨХГ-аас иргэдийн бүртгэлээ баталгаажуулах хугацааг тав хоногоор сунгалаа.
Өөрөөр хэлбэл, өнөөдрөөс эхлэн энэ сарын 6-ны баасан гараг хүртэл бүртгэлийг хүлээн авахаар болжээ.