Өнөөдрийн чуулганы хуралдааны төгсгөлд Монгол хэлний тухай хуулийн төслийг хэлэлцэн баталлаа. Ингэснээр 2025 оноос Монгол Улс гаргаж байгаа бүх шийдвэр, харилцаа, хичээл, бичиг баримт гээд бүхий л зүйлийг уйгаржин хийгээд кирилл бичгээр хослон хөтөлж байхаар болов. Асуудлыг хэлэлцэхэд УИХ-ын олон гишүүн эсэргүүцэж байсан ч санал хураах явцад бүгд шахам дэмжиж санал өгсөн. Ингээд долдугаар сарын 1-нээс хууль хэрэгжиж 2016 оноос эхлэн төрийн албанд хийгээд их дээд сургуульд элсэгчид уйгаржин бичгээр шалгалт өгч байхаар болов. 2016 оноос эхлэн зургадугаар ангиас уйгаржин бичгийг зааж эхлэх учраас зургаан жилийн дараа шалгалт авах санал УИХ дээр түлхүү яригдсан ч УИХ-ын гишүүн Р.Гончигдорж мар нэгэн өөрчлөлт хийхгүй хэмээн тас гүрийсээр хуулийг баталлаа.
Categories