Монголын зохиолчдын эвлэлээс жил бүр оны шилдэг бүтээлийг тодруулдаг “Алтан-Өд” наадам өнөөдөр Улсын филармонид уншигч олонд нээлттэй болох аж. Өнгөрөгч онд туурвисан зохиолчдын бүтээлээс яруу найргийн төрөлд М.Саруулдалайн “Хунгийн дэвэлт шиг хаврын үдэш”, хүүхдийн зохиолд Ч.Наранцэцэгийн “Тунгалаг өнгө”, орчуулгад Ж.Оюунцэцэгийн “Хөршүүд”, хүүрнэл зохиолын богино хэмжээний бүтээлд М.Уянсүхийн “Айшхи”, хүүрнэл зохиолын томоохон хэмжээний бүтээлд Ж.Заяабаатарын “Омог босоо хавт Хасар”, жүжиг, киноны зохиолд Н.Сүхдоржийн “Галдан Бошгот хаан”, баримтат уран зохиолд Б.Цогнэмэх нар тус тус шалгарчээ. Мөн шилдэг бүтээл туурвисан зохиолч найрагчдад олгодог МЗЭ-ийн шагналыг Ч.Алтангэрэл “Ганнибал”, Б.Баясгалан “Зөнгийн нүд”, С.Бүрнээ “Савдагт Алтайн дууль”, Д.Бямбацэнд “Хатан сэрэл” Ж.Гун-Аасүрэн “Сэргэлэн одод чуулсан шөнө”, Т.Дашбалдан “Сэтгэлийн шувуу”, Я.Мөнхжаргал “Тэвчээр”, М.Отгонбаяр “Сураггүй хаврыг хүлээхүй”, Б. Хүрэлтогоо “Илчлэлт” бүтээлээрээ хүртжээ.
Ө.МАНЛАЙ