Усанд хийж цэнэглэх зөөврийн компьютер буюу “Plantbook”-ыг танилцуулжээ. Төслийг Солонгосын дизайнер Seunggi Baek болон Hyerim Kim нар санаачлан зохион бүтээсэн байна. Уг зөөврийн компьютер хоёр мэдрэгчтэй хуудастайбайх ба эвхэгддэг онцлогтой.
Plantbookнь навчтай адил нарны гэрлийг өөртөө шингээн, устөрөгч ялгаруулдаг аж. Батерейгаа цэнэглэн хүчилтөрөгч үйлдвэрлэж, эргэн тойрноо агаараар тэтгэдэг. Тодорхой хэлбэл, зөөврийн компьютерийн дээд талд бяцхан ус хураагуур гуурссуулгасан байх бөгөөд нарны дулааны хавтанд хадгалагдсан эрчим хүчийг ашиглан электролиз үүсэхүед байнга усыг өөртөө шингээж авдаг аж. Энэ үйл явц нь устөрөгчийг ашиглан батерейгаа цэнэглэж, хүчилтөрөгч ялгаруулах боломжоор хангаж өгдөг байна. Та зөөврийн компьютерээ ашиглаагүй үедээ орой дээрх навч хэлбэртэй силикон оосрыгустай саванд хийх юм бол, таны зөөврийн компьютер автоматаар батерейгаа цэнэглэж хүчилтөрөгч ялгаруулах болно. Энэ навч хэлбэртэй силикон оосор нь ногооноор гэрэлтэх юм бол таны “Plantbook”цэнэгтэй байгааг харуулах аж. Цэнэг нь дуусах эсэх нь навчин хэлбэртэй оосор харуулна. Нэг ёсондоо энэ зөөврийн компьютер байгальд ээлтэй, эрчим хүчний хэмнэлттэй орчин үеийн хамгийн шинэ, шинэлэг шийдэл юм. Энэхүү гайхалтай зөөврийн компьютерийн санаа бүтээгдвэл шилдэг, шинэлэг технологи болох нь гарцаагүй. Цаашлаад үүнтэй ижил эрчим хүчний машин болоод бусад эко техникүүдийг ч үйлдвэрлэж болохыг харуулж байна.
