Ерөнхийлөгчийн санаачилгаар 2011 оноос эхлэн “Монгол бахархалын өдөр”-т зориулан “Мөнх тэнгэрийн бичиг” монгол бичгийн уран бичлэгийн үзэсгэлэнг зохион байгуулж хэвшсэн. Үзэсгэлэн энэ сарын 17-23-ний өдрүүдэд Монголын уран зургийн үзэсгэлэнгийн танхимд дэлгэгдэн нийслэлчүүдэд хүрсэн билээ. Шилдэг бүтээлүүдийн үзэсгэлэн 29, 30-ний өдрүүдэд Багануур дүүрэгт дэлгэгдэн, иргэдэд зориулан монгол бичгийн уран бичлэгийн сургалт, лекц зохион байгуулах юм байна. Үзэсгэлэнд оролцсон шилдэг бүтээлүүдээр уламжлалын дагуу товхимол хэвлүүлэх ажээ.