Оросын алдарт бөх Б.Сайтиевийн нэрэмжит чөлөөт бөхийн өсвөр үеийн олон улсын 10 дахь удаагийн тэмцээнд оролцох Монголын баг тамирчид өчигдөр эх орноосоо мордлоо. Уг тэмцээнд ОХУ-аас гадна Бельги, Казахстан, Киргиз, Монгол, Узбек, ХБНГУ, Япон зэрэг улсын бөхчүүд өрсөлдөх аж. Багийн ахлагчаар Монголын чөлөөт бөхийн холбооны шүүгчдийн зөвлөлийн дарга Ц.Сэрээтэр, шүүгчээр олон улсын шүүгч Б.Гансүх, дасгалжуулагчаар П.Чулуунбаатар нар ажиллаж байгаа юм. Тэмцээн энэ сарын 25-26-ны өдрүүдэд ОХУ-ын Красноярск хотын И.Ярыгиний нэрэмжит спортын ордонд болно.