Нийслэлийн Захирагчийн ажлын албанаас хотын хөрсний бохирдол, тоосжилтыг бууруулах зорилгоор Арслантай гүүрэнд гэрэлтдэг усан хөшиг хийсэн. Өнгөрсөн долоо сүр дуулиантайгаар нээлтээ хийсэн энэ усан хөшиг долоо ч хонолгүй эвдэрчээ. Гүйцэтгэгч “Хан-Урсгал” компани бөгөөд гурван жилийн баталгаа гаргаад байсан билээ. Харин арчлалт, тохижилтыг нь “Нийтийн үйлчилгээний Улаанбаатар нэгтгэл” НӨҮГ хариуцан ажиллах юм байна. 70 сая төгрөгийн өртгөөр боссон энэхүү “усан хөшиг”-ийн бодит зардлыг мэргэжлийн хүн үнэлж, тооцоо гаргасан гэв.