Олон улсын сагсан бөмбөгийн холбоо /FIBA/-ны хөгжлийн хөтөлбөр Улаанбаатарт хэрэгжиж байгаа бөгөөд Ази-Африк тивийн FIBA-гийн 3×3 сагсанбөмбөгийн “U23 Nations League” тэмцээн зургадугаар сарын 1-3-нд төв талбайд болно.
FIBA-гийн хөгжлийн хөтөлбөрийн хүрээнд болох уг тэмцээнд оролцох БНХАУ-ын U23 насны эрэгтэй, эмэгтэй шигшээ багийн тамирчид лхагва гарагт Монгол Улсын нийслэлд ирлээ. Маргааш эхлэх FIBA 3×3 сагсан бөмбөгийн “U23 Nations League” тэмцээнд БНХАУ, Индонез, Шри-Ланк, Уганда, Монголын багууд өрсөлдөнө. Манай улсаас U23, U18 насны эрэгтэй, эмэгтэй шигшээ багууд оролцон ур чадвараа сорих юм.