Хүнс, хөдөө аж ахуйн яам 2015 онд дотоодын хэрэгцээг буудай, төмсөөр бүрэн, хүнсний ногоогоор 55 хувь хангах зорилт тавьжээ. Тариалалт ирэх зургадугаар сарын 15-наас эхлэх бөгөөд наймдугаар сарын 15 хүртэл 2-3 удаа боловсруулах аж. Энэ жил 338.000 га талбайд уринш бэлтгэх ажээ.
Тариалан эрхлэлтийг дэмжих сан (ТЭДС)-гаас энэ онд ургамал хамгааллын 434 тонн бодис, 500 тонн бордоо нийлүүлэхээр болжээ. 30 хувийн урьдчилгаа авч, үлдсэн хэсгийг буудайгаар төлүүлэх гэрээгээр ургамал хамгааллын бодисыг тариаланчдад олгох аж. Улсын хэмжээнд 48.000 тонн үрийн буудай шаардлагатай байгаагийн 42.200 тонныг тариаланчид өөрсдөө нөөцөлсөн бол ТЭДС-д 1900 тонн байгаа юм байна. Мөн 5700 тонн дизель түлш шаардлагатай байгаагийн 2700 тонныг ТЭДС-гаас олгох нь. Ингэхдээ төлбөрийн 50 хувийг урьдчилгаа болгон авч, үлдэх хэсгийг ургацаас төлүүлэх нөхцөлтэй гэнэ. Тэгвэл техник тоног төхөөрөмжөө засаж эхэлсэн, ирэх сарын 15-нд дуусгах юм байна.