Month: February 2025

Улаан бурхан өвчин нь вирусээр үүсгэгддэг цочмог халдварт өвчин юм. Агаар дуслын замаар буюу халдвартай хүн ханиаж найтаах төдийд маш амархан халдварлана. Уг өвчнөөр бага насны хүүхэд өвдсөн тохиолдолд хүндрэх, эндэх эрсдэл өндөр байдаг.

Улаанбурхан өвчин аюултай юу?

Халдварт өвчин дотроос халдварлах чадавхиараа хамгийн өндөрт ордог өвчний нэг бөгөөд халдварлалтын индекс нь 96-98% юм. Улаанбурханаар өвдсөн 5 хүн тутмын 1 нь хүндрэх эрсдэлтэй.

Улаанбурхан өвчний үед илрэх шинж тэмдэг:

-Халуурах

-Нүдний салст улайх, үрэвсэх

-Хамраас нус гоожих

-Ханиалгах

-Амны салстад улаан хүрээтэй цагаан толбо үүсэх

-Нүүрнээс эхлэн толбон гүвдрүүт тууралт гарч бүх биеэр туурна.

Улаанбурхан өвчин дараах хүндрэлийг үүсгэдэг.

-Уушгины хатгаа

-Тархи эргэн сэргэхгүй гэмтэх

-Дүлийрэх

-Дутуу төрөх

-Хүүхэд бага жинтэй төрөх

-Эндэх

Улаанбурхан өвчин вирусээр үүсгэгддэг халдварт өвчин.

Хүнээс хүнд агаар дуслын замаар халдана.

Вакцинд хамрагдаагүй, эсвэл өмнө нь улаанбурхан өвчнөөр өвдөөгүй бүх насны хүн өвдөх эрсдэлтэй.

Хүүхдээ улаанбурхан өвчний эсрэг вакцинд хамруулаарай

Хүүхдэд 9 сартай, 2 настайд улаанбурхан өвчнөөс сэргийлэх вакциныг 2 удаа хийдэг.

Вакциныг хугацаанд нь тариулаагүй бол өөрт ойр байрлах өрх, сумын эмнэлэг, дүүргийн эрүүл мэндийн төвд хандаарай.
“Харьяа өрх сумын эрүүл мэндийн төвдөө хандан улаанбурхан улаануудын эсрэг вакцинд хамрагдаарай”

Энэ сарын 1-ний өдрөөс нийтийн тээврээр өдөрт 1000 төгрөгөөр цагийн хязгааргүй дөрвөн удаа зорчих зохицуулалт хэрэгжиж эхэлсэн.

Уг зохицуулалт хэрэгжсэнээр нийтийн тээврийн салбарт ямар өөрчлөлт гарсан талаар болон сар шинийн баяраар ямар зохицуулалт хийж буй талаар НТБГ-ын Захиргаа, удирдлагын хэлтсийн дарга З.Цэвээндоржоос тодрууллаа.

Тэрбээр “Энэ оны хоёрдугаар сарын 1-нээс өдөрт 1000 төгрөгөөр дөрвөн удаа зорчих системийг нэвтрүүлсэн. Үүнтэй холбогдуулан хугацаатай автобусны картыг гуравдугаар сарын 1-нээс хэрэглэхгүй болж байна. Тус картаар сард 25 мянган төгрөгөөр хязгааргүй зорчдог байсан бол одоогийн зохицуулалтаар нэг хүн сард 22 мянган төгрөгөөр зорчих боломжтой болсон” гэв.

Мөн сар шинийн баяраар гуравдугаар сарын 5-ны өдрийг дуустал амрах шийдвэр гарсантай холбогдуулан Нийтийн тээврийн газраас тухайн өдрүүдэд амралтын цагийн горимоор ажиллах шийдвэрийг гаргаад байна. Ингэснээр сар шинийн баяраар өдөрт 947 автобус иргэдэд үйлчилнэ. Харин ажлын өдрүүдэд 1100 гаруй автобус иргэдэд үйлчилдэг билээ.

Цахилгааны шөнийн тарифын 100 хувийн хөнгөлөлт үзүүлэх хэмжээ, хугацаа нэмснийг УБЦТС ТӨХК-аас мэдээллээ.

Өнөөдрийн байдлаар Улаанбаатар хотод 176 уулзвар, гарцад нийт 2606 ухаалаг камерыг суурилуулж, ашиглалтад оруулаад байна.

Мөн эдгээр камерт бичигдсэн мэдээллийг нэгтгэж, хиймэл оюун ухаанаар боловсруулдаг ухаалаг системийг хэрэглээнд нэвтрүүлсэн билээ. Өөрөөр хэлбэл, хиймэл оюун ухаанаар камерт бичигдсэн мэдээллийг бүрэн хянах боломжтой. Жишээлбэл, гал түймрийн гаралт, үерийн усны түвшин, гудамж, талбайд байрласан хогийн савны дүүргэлтийг камераар хэмжиж, дата мэдээлэл холбогдох газрууд руу дамжуулагдана.

Замын хөдөлгөөний соёлтой оролцоог бий болгох үүднээс зам тээврийн зөрчлүүдийг уг ухаалаг камеруудаар илрүүлдэг. Эгнээ байр буруу эзлэх, гэрлэн дохио зөрчих, зогсох шугам давах зэрэг бусдын хөдөлгөөнд саад учруулах, замын хөдөлгөөний эрчмийг бууруулах үйлдлүүдэд хяналт тавих боломжтой гэсэн үг. Энэ нь гэмт хэрэг зөрчлөөс урьдчилан сэргийлэх, таслан зогсооход өндөр ач холбогдолтой юм. Мөн хиймэл оюун ухаанаар зөрчилд шийтгэл ногдуулах боломж бүрдээд байна.

Ухаалаг камеруудын бүх мэдээлэл Нийслэлийн камерын хяналтын нэгдсэн төв болон есөн дүүргийн Камерын хяналтын дэд төвүүдэд бүртгэгддэг. Улмаар мэдээлэлд хиймэл оюун ухаанаар дүн шинжилгээ хийж буй нь Улаанбаатар хотын замын хөдөлгөөнд өмнө нь байгаагүй томоохон шинэчлэл болоод зогсохгүй дэлхийн хөгжингүй орнуудын замналаар алхаж буй нэгэн жишээ юм.

Монгол Улсын Ерөнхийлөгч Ухнаагийн Хүрэлсүх зарлиг буулган, Үндэсний Их баяр наадмын тухай хуулийн 12 дугаар зүйлийн 12.4, 12.5 дахь хэсэгт заасан  болзол хангасан шагайн харваачдад улсын цол олголоо.

МОНГОЛ УЛСЫН ҮЛЭМЖ ДАРХАН МЭРГЭН

Буяндэлгэрийн Мөнхбаатар        /Дорноговь аймгийн Айраг сумын уугуул/

Бямбын Пүрэв                                /Өвөрхангай аймгийн Есөнзүйл сумын уугуул/

МОНГОЛ УЛСЫН ДАРХАН МЭРГЭН

Бавуудоржийн Гончигзув           /Архангай аймгийн Батцэнгэл сумын уугуул/

Цэнд-Очирын Мөнхбат               /Архангай аймгийн Хашаат сумын уугуул/

Дэлгэрмаагийн Одгэрэл             /Дундговь аймгийн Эрдэнэдалай сумын  уугуул /

МОНГОЛ УЛСЫН ГАРАМГАЙ МЭРГЭН

Гансүхийн Дорждаваа                /Архангай аймгийн Батцэнгэл сумын уугуул/

Энхтуяагийн Өсөх-Ирээдүй        /Хэнтий аймгийн Өмнөдэлгэр сумын уугуул/ 

МОНГОЛ УЛСЫН ХОШОЙ МЭРГЭН

Золбаярын Банзрагч                     /Архангай аймгийн Төвшрүүлэх сумын уугуул/

МОНГОЛ УЛСЫН МЭРГЭН

Сүрэн-Ухнын Батбаяр                   /Дорноговь аймгийн Даланжаргалан сумын уугуул/

Дамдиндоржийн Билгүүн            /Өвөрхангай аймгийн Өлзийт сумын уугуул/

Балжиннямын Доржжигжид        /Дундговь аймгийн Говь-Угтаал сумын уугуул/

Сар шинийн өдрүүдийг угтаж, Автотээврийн үндэсний төвийн салбарууд уртасгасан цагаар ажиллах юм байна. Тодруулбал, хоёрдугаар сарын 24-28-ны өдрийг дуустал 08:30-22:00 цаг хүртэл ажиллана.

Улаанбурхан өвчний зөөвөрлөгдсөн 5 дах тохиолдол лабораториор батлагдлаа.

Уг тохиолдол 2025 оны 2 дугаар сарын 14-15-нд шилжих шөнийн 01:47 цагт Вьетнам Хо Ши Мин-Улаанбаатар чиглэлийн МИАТ OM712 нислэгээр ирсэн зорчигчдоос  илэрсэн тул тус чиглэлийн зорчигчид улаанбурханы эсрэг вакцинд болон үзлэгт ХӨСҮТ-ийн Яаралтай тусламжийн тасгийн 1 болон 2 дугаар өрөөнд өнөөдөр 08:30- 17:30 цагийн хооронд ЯАРАЛТАЙ ирж хамрагдана уу!

ТОДРУУЛАХ ЗҮЙЛЭЭ 9016199, 75 103 100 тоот утсанд хандаж авна уу.