Дорнод аймгийн Чулуунхороот сумын (Эрээнцав) Цагаанчулуут багийн Жирмийн нуур гэдэг газар өчигдөр 11:00 цагийн орчим малчин З малдаа явганаар яваад сураггүй болсон тухай дуудлага Онцгой байдлын байгууллагад иржээ.
Дуудлагыг мөн өдрийн 21:00 цагт хүлээн авсан тус сумын мэргэжлийн ангийнхан, орон нутгийн иргэд 27 настай, эрэгтэй З-г эрэн хайх ажиллагааг 22:10 цагаас зохион байгуулсан байна.
Түүнийг гэрээсээ баруун урд зүгт 13 км-т “Бор-Овоо” гэдэг газар малтайгаа төөрсөн байсныг эсэн мэнд олжээ.
Саяхныг хүртэл америкчууд Хятад улс дэлхийн хамгийн том эдийн засагтай болох нь гэж айж байсан бол одоо гаднын хөрөнгө оруулагчид энэ улсаас нүүр буруулж буйгаас үүдэн олон шинжээч ийм зүйл болно г э д э г т и т г э х г ү й б о л с о н үед АНУ-ын Ерөнхийлөгч Жо . Б а й д е н , Б Н Х А У – ы н дарга Си Жиньпин нар Сан Франциско хотын ойролцоо биечлэн уулзаж хоёр гүрний а р м и х о о р о н д ы н ш у у д харилцаа холбооны сувгийг сэргээхээр тохиролцов. АНУ- ын Төлөөлөгчдийн танхимын д а р г а Н э н с и П е л о с и Тайваньд гэнэтийн айлчлал хийсний дараа Хятад улс шууд харилцаа холбооны сувгаа таслаад байсан юм. Зэвсэгт хүчний хоорондын х а р и л ц а а х о л б о о н ы хэлэлцээрээс гадна Байден, Си нар хиймэл оюун ухаан, хар тамхины наймаатай тэмцэх чиглэлээр хамтран ажиллах ажлын хэсгүүдийг байгуулахаар тохиролцсон гэж Хятадын төрийн CCTV агентлаг мэдээлэв. Учир нь АНУ Хятадаас нийлүүлж буй хиймэл хар тамхи хийдэг фентанилын сувгийг хаахыг хүсч байгаа билээ. Байден, Си нар гадаад бодлого, тээврийн аюулгүй байдлын асуудлаар “яриа хэлэлцээний механизм” бий болгох, хоёр улсын х о о р о н д н и с л э г б о л о н оюутан солилцооны тоог нэмэгдүүлэх боловсрол, соёл, спорт, бизнесийн харилцааг өргөжүүлэхээр т о х и р о л ц с о н г э ж C C T V мэдэгдэв. Байден Хятадын түнштэй у у л з а х д а а “ Б и д ү р г э л ж санал нийлээд байдаггүй, энэ нь гайхмаар зүйл биш бөгөөд бидний уулзалтууд ү р г э л ж и л э н д а л а н г ү й бас тустай байдаг. Миний б о д л о о р у д и р д а г ч и й н хувьд та бид бие биенээ ямар ч буруу ойлголт, үл ойлголцолгүйгээр тодорхой ойлгох нь туйлын чухал учраас бидний яриа хэлэлцээ чухал ач холбогдолтой. Бид өрсөлдөөнөө зөрчилдөөн б о л г о х г ү й б а й х ё с т о й бөгөөд энэ өрсөлдөөнийг хариуцлагатай удирдах ёстой” гэж хэлсэн байна. Хариуд нь Си Жиньпин “Хятад, АНУ шиг хоёр том улс бие биенээсээ нүүр буруулж чадахгүй. Энэ хоёр улс хамтран амжилттай ажиллахад дэлхий дээр хангалттай орон зай бий” гэж мэдэгджээ. BBC-ийн Хятад дахь сурвалжлагч Стивен Макдонелл “Хятадын ерөнхийлөгч улс төрийн хувьд сүүлийн 1 2 с а р ы н х у г а ц а а н д бүтэлгүйтсэн тул Байдентай хийх уулзалт Вашингтон, Бээжингийн харилцааг ямар нэгэн байдлаар хэвийн болгоно гэдгийг батлан харуулж чадвал энэ нь Си Жиньпиний хувьд дотооддоо нэр төрөө өсгөх маш сайхан боломж байх болно. Энэ жил тэрбээр өөрийн томилсон Батлан хамгаалах, гадаад харилцааны хоёр том сайдыг ямар ч тайлбаргүйгээр огцруулан цөмийн зэвсэг хариуцаж байсан генералуудыг цэвэрлэх ажиллагаа явуулсан нь ард иргэдэд намын у д и р д л а г ы н ч а д а в х а д эргэлзэх бодол төрүүлсэн. Түүнчлэн Хятадын зогсох боломжгүй мэт санагдаж байсан эдийн засгийн машин гэнэт удааширч, залуучуудын ажилгүйдлийн түвшин түүхэн дээд хэмжээнд хүрч, технологийн салбарыг цомхотголд оруулж, үл хөдлөх хөрөнгө болон орон сууцны хямрал дэгдсэн. Иймээс Америктай хийх худалдааны х э м ж э э г э э н э м э г д ү ү л ж чадвал түүний хувьд том амжилт болох болно” гэж онцолжээ BBC-ийн Хойд Америк хариуцсан редактор Сара Смит “Маш чухал уулзалт мөн боловч та бүхэн энэ уулзалтаас том мэдэгдэл э с в э л т о м о о х о н г э р э э хэлэлцээр хүлээх хэрэггүй. Ерөнхийлөгч Байден Хятад улсыг Иранд улам бүр өсөн нэмэгдэж буй нөлөөгөө ашиглаж, Ойрхи Дорнод дахь бүс нутгийн томоохон дайн өдөөх үйлдлээс нь Тегераныг холдуулахыг хүсэх байх. Бас Хятадыг Украинтай дайн хийж, зэвсэг, сумны асар их хэрэгцээтэй байгаа Орост цэргийн тусламж үзүүлэхээс татгалзуулахыг оролдох б а й х . Г э х д э э м э д э э ж хамгийн маргаантай асуудал Тайвань хэвээр байх болно. Гадаад бодлогын салбарт хуримтлуулсан олон жилийн туршлагадаа тулгуурлан о л о н у л с ы н х у р ц а д м а л байдлын голомтод дүрэлзэж э х э л с э н г а л ы г у н т р а а х чадвартай гэдгээ Жо Байден дэлхий нийтэд харуулахыг х и ч э э х н ь м э д э э ж ” г э ж бичжээ. Х а р ь ц а н г у й д о т н о нөхцөлд болж өнгөрсөн х о ё р у д и р д а г ч и й н уулзалтын дараа сэтгүүлч Жо Байденаас “Та Хятадын тэргүүнийг дарангуйлагч гэж үзсээр байгаа юу?” гэж асуухад “Коммунистууд у д и р д а ж б а й г а а у л с ы н тэргүүн дарангуйлагч шүү дээ” гэж хариулсан бөгөөд Кремлийн цөмийн бөмбөгөөр бусдыг айлгадаг хоосон дөвчигнөлөөс үүдэн бүс нутгийн сөргөлдөгчид болох Я п о н , Өм н ө д С о л о н г о с цөмийн бөмбөгтэй болчих гээд байгаа учир Хятадын удирдагч Си Жиньпин ямар ч мөргөлдөөнд цөмийн зэвсэг ашиглахгүй байх гэрээг Жо Байдентай үзэглэж магадгүй байгаа юм.
Үндэсний статистикийн хорооноос энэ оны эхний арван сарын гадаад худалдааны мэдээллийг танилцууллаа.
Монгол Улс энэ он гарснаас хойш нийт 161 улстай 20 тэрбум ам.долларын гадаад худалдаа хийсэн байна. Үүнд экспортын хэмжээ 12.5 тэрбум ам.долларт, импорт 7.5 тэрбум ам.долларт хүрчээ. Харин өнгөрсөн онтой харьцуулахад нийт барааны эргэлт 2.8 тэрбум ам.доллароор өссөн аж.
Экспортын хэмжээ өмнөх оны мөн үеэс 2.4 тэрбум ам.доллароор өсөхөд:
Нийт экспортын 56.5 хувийг чулуун нүүрс, 17.7 хувийг зэсийн хүдэр баяжмал, 5.1 хувийг алт, 0.9 хувийг самар, угаасан ноолуур хоёр хувийг, адууны мах 0.8 хувийг эзэлж байна.
Импорт өмнөх оны мөн үеэс 458.5 сая ам.доллароор өсөхөд:
Мөн нийт импортын бүтээгдэхүүний 19.7 хувийг нефть, хоёр хувийг цахилгаан эрчим хүч, 7.5 хувийг суудлын автомашин эзэлж байгаа юм.
Хан-Уул дүүргийн 2 дугаар хорооны Нэхмэлийн шарын байрнуудын дахин төлөвлөлтийн төслийг хэрэгжүүлж буй “Фүжи Девелопмент” ХХК-ийн үйл ажиллагааны талаар иргэдээс гомдол, мэдээлэл ирсний дагуу холбогдох албаныхан газар дээр нь ажиллалаа.
Тодруулбал, тус компани нь Нэхмэлийн шарын 7 дугаар байрны суурийг Архитектур төлөвлөлтийн даалгавраас хэтрүүлэн ухсан тул зөрчлийг арилгахаар хэтрүүлж ухсан суурийг битүүлж байна.
Хан-Уул дүүргийн Засаг даргын орлогч Б.Цэрэн “Нийслэл болон дүүргийн холбогдох байгууллагынхан тус байршилд хэмжилт хийхэд дахин төлөвлөлтийн байршлаас урагшаа 4.5 метр, хажуу тийш 9 метр хэтрүүлж барилгын сууриа ухсан байгаа юм. Өөрөөр хэлбэл, шинээр барилгажих талбайн зөвшөөрлөө Хот байгуулалт, хөгжлийн газраас авалгүйгээр дур мэдэн суурь ухсан. Тус компанид Хотын стандарт, хяналтын газраас болон дүүргээс зөрчлөө арилгах талаарх шаардлага, мэдэгдлийг хүргүүлсэн боловч биелүүлээгүй. Зөвшөөрлөө дараа нь авна гэх зэргээр дур мэдэн ажлаа үргэлжлүүлж байна. Хуучин байрнуудыг нураах зөвшөөрөлтэй боловч шинэ зураг төсөл, суурийн зургийг батлуулаагүй, барилга эхлүүлэх зөвшөөрөлгүй үйл ажиллагаа явуулаад байна гэсэн үг. Тиймээс Нийслэлийн Засаг даргын өгсөн үүрэг чиглэлийн дагуу Хан-Уул дүүргийн ЗДТГ-аас уг зөрчлийг арилгахаар хоёр дахь өдрөө ажиллаж байна” хэмээлээ.
“Фүжи Девелопмент” ХХК нь Хан-Уул дүүргийн 2 дугаар хорооны Нэхмэлийн шарын 1, 2, 5, 6, 7, 10, 11, 16 байрны дахин төлөвлөлтийн төслийг хэрэгжүүлж, 5, 6А, 6В байрыг байнгын ашиглалтад оруулаад байна.
Төрийн дээд шагнал, тэргүүн зэргийн “Чингис хаан” одонт, Монгол Улсын Соёлын элч Улсын филармонийн Морин хуурын чуулгын уран бүтээлчид арванхоёрдугаар сарын 10-нд Орхон аймагт тоглолтоо хийх гэж байна.
Орхон аймгийн Засаг даргын Тамгын газраас жил бүр зохион байгуулдаг “Соёлыг түгээе” аяны хүрээнд аймгийн Засаг даргын урилгаар Төрийн тэргүүн зэргийн “Чингис хаан” одонт, Монгол улсын Соёлын элч Морин хуурын чуулгын шилмэл бүтээлүүдийн тоглолт хийхээр болсон байна. Тоглолтод Урлагийн гавьяат зүтгэлтэн, Морин хуурын чуулгын удирдаач Д.Түвшинсайхан, Соёлын тэргүүний ажилтан Н.Жигжиддорж, гавьяат жүжигчин, Улсын Филармонийн гоцлол дуучин Б.Мөнхбаатар, Соёлын тэргүүний ажилтан Б.Дэлгэрбаяр, Д.Дүйнхэржав, Л.Насанбуян, Н.Нямсүрэн, Д.Дагвадорж нар оролцох аж.
Тоглолтын тасалбарын үнэ 35 мянган төгрөг бөгөөд тасалбарыг арваннэгдүгээр сарын 29-нөөс Эрдэнэт үйлдвэрийн соёл урлагийн цогцолборын кассаар худалдаалж эхлэх гэнэ.
Монгол Улсын Ерөнхийлөгч Ухнаагийн Хүрэлсүх Их эзэн Чингис хааны мэндэлсэн өдөр, “Монгол бахархлын өдөр”-ийг тохиолдуулан “Чингис хаан” тэргүүн зэргийн одонг Монгол Улсын филармонийн Морин хуурын чуулгад хүртээсэн. Морин хуурын чуулгыг анх 1992 онд байгуулж, анхны тоглолтоо 1993 онд хийсэн түүхтэй. Одоогоор эх орондоо 3000 гаруй, дэлхийн 21 улсад 95 удаа 600 гаруй удаа тоглож, уран бүтээлээ толилуулаад байна.
ЕТГ-ын дарга Я.Содбаатар “Морин хуур чуулга одоогоор 36 орон тоотой ажиллаж байна. Цаашид тус чуулгыг өргөтгөж, орон тоог нэмэх, хөгжим хэрэгслийг шинэчлэн сайжруулах шаардлагатай. Ойрын үед Морин хуур чуулгыг өргөтгөхтэй холбоотой шийдвэр гарна” гэдгийг мэдээлсэн юм.
Торгуулиа төлдөггүй жолооч нарыг авто замын хөдөлгөөнд оролцохыг хориглосноор түгжрэл 10 хүртэлх хувиар буурах судалгаа бий.
2023 оны эхний есөн сарын байдлаар замын хөдөлгөөний зөрчлийн мэдээлэл 462.820 бүртгэгдсэнээс 114.621 нь торгуулиа төлжээ гэж Нийслэл Улаанбаатар хотын авто замын түгжрэлийг бууруулах Үндэсний хорооноос мэдээллээ.
Улсын Их Хурлын дарга Г.Занданшатар өнөөдөр (2023.11.17) Үндсэн хуулийн цэцийн гишүүнээр томилогдсон Л.Өлзийсайхан, О.Мөнхсайхан, Э.Энхтуяа нарыг хүлээн авч уулзаж, үнэмлэхийг нь гардуулан өглөө.
Тэрбээр, та бүхэн Үндсэн хуулийн нэмэлт, өөрчлөлтийн төслийг боловсруулахаас эхлээд хэлэлцэн, батлах хүртэлх бүх үе шатанд оролцсон. Үндсэн хуулийн үзэл санаа, үнэт зүйлийг сахин хамгаалах, бэхжүүлэхэд хичээн ажиллана гэдэгт итгэж байна. Монгол Улсын Үндсэн хуулийн Жаран дөрөвдүгээр зүйлийн 1 дэх хэсэгт “Монгол Улсын Үндсэн хуулийн цэц бол Үндсэн хуулийн биелэлтэд дээд хяналт тавих, түүний заалтыг зөрчсөн тухай дүгнэлт гаргах, маргааныг магадлан шийдвэрлэх бүрэн эрх бүхий байгууллага, Үндсэн хуулийг чандлан сахиулах баталгаа мөн” гэж заасан. Үндсэн хуулийн цэц төвийг сахисан, бие даасан, хараат бус байх ёстой. Энэхүү үүргээ ухамсарлаж, чин үнэнчээр ажиллах мэдлэг чадвар, ёс суртахуунтай, эрх зүйч, хуульчид томилогдсон гэдэгт итгэж байна. Цаашид Үндсэн хуулийн цэцийн тухай хуулиа төгөлдөршүүлэн, хүний үндсэн эрхийг хамгаалах эрх зүйн шинэчлэлийн эхлэлийг Та бүхэн тавьж байна гээд шинээр томилогдсон Үндсэн хуулийн цэцийн гишүүдэд амжилт хүслээ УИХ-ын Хэвлэл мэдээлэл, олон нийттэй харилцах газраас мэдээллээ.
Онлайн худалдааны аварга компани Амазон ирэх оноос АНУ-ын зах зээлд шинэ автомашин зарж эхлэх болсныг өчигдөр Лос-Анжелесын Авто Шоуны тайзан дээрээс зарлажээ.
Тус компани эхний ээлжид Өмнөд Солонгосын Hyundai компанийн бүтээгдэхүүнүүдийг интернэтээр борлуулах юм байна.
Худалдан авагчид Amazon-ы вэб сайтаар ямар загвар, ямар тоноглолтой автомашин авахаа сонгож, захиалах ба дараа нь өөрт ойр гэрээт борлуулагчийн салоноос очиж авах эсвэл гэртээ хүргүүлж болох гэнэ.
Лизингийн сонголтууд бас вэб сайтад байх ажээ.
“Hyundai бол үйлчлүүлэгчийнхээ амьдралыг өдөр бүр илүү сайхан, амар хялбар болгохыг эрмэлздэгээрээ Амазонтой адил шинэлэг компани юм” гэж Амазоны гүйцэтгэх захирал Энди Жэсси хамтын ажиллагааг зарлахдаа хэлсэн байна.
Энэхүү хамтын ажиллагааны хүрээнд Hyundai компани Амазоны Alexa ухаалаг яригчийг 2025 оноос эхлэн автомашинууддаа нэвтрүүлэхээр болжээ.
Гэхдээ Амазон, Hyundai компаниудын хамтын ажиллагаа дундын этгээд буюу гэрээт борлуулагчдаар дамжихаар харагдаж байна.
Сүүлийн үед Тесла, Форд зэрэг автомашин үйлдвэрлэгчид ийм дамжлагыг алгасаж, худалдан авагчдаа шууд хүрдэг болж эхэлсэн.
Амазоны мэдэгдлийн дараа АНУ-ын хуучин автомашин онлайнаар борлуулдаг компаниудын хувьцааны үнэ унасан байна. Тухайлбал CarMax, Carvana зэрэг компаниудын хувьцааны ханш тус тус таваас дээш хувиар унажээ.
Эх сурвалж: AFP
Чанаргүй зээл, мөнгөн хадгаламжийн энэ оны эхний аравдугаар сарын тоон мэдээллийг ҮСХ-ны Бодлого, хамтын ажиллагааны хэлтсийн дарга С.Норов танилцууллаа.
Тэрбээр “Төгрөгийн хадгаламж энэ оны аравдугаар сард 15.4 их наяд төгрөгт хүрч өмнөх оны мөн үеэс 2.9 их наяд төгрөгөөр өссөн. 13.3 их наяд нь иргэдийнх, 2.1 их наяд төгрөг нь ААН, байгууллагын хадгаламж байгаа юм.
Энэ оны аравдугаар сарын эцсийн байдлаар ААН, иргэд нийтдээ 26.4 их наяд төгрөгийн зээлийн өрийн үлдэгдэлтэй байна. Үүнээс хэвийн зээлийн өрийн үлдэгдэл нь 22.8 их наяд төгрөг болж өмнөх оны мөн үеэс 20.3 хувиар өссөн аж.
Харин чанаргүй зээлийн өрийн үлдэгдэл 2.2 их наяд төгрөг болж өмнөх мөн үеэс 472.6 тэрбум төгрөгөөр буурсан. Чанаргүй зээл нь нийт өрийн үлдэгдлийн 8.3 хувийг эзэлж байна” хэмээн ярилаа.
Зам, тээврийн хөгжлийн сайд С.Бямбацогт өчигдөр Азийн хөгжлийн банкны Монгол Улс дахь суурин төлөөлөгч Шэннон Коулинтэй уулзаж, Улаангом-Ховд, Улиастай-Алтай чиглэлийн авто зам төслийг ирэх онд хэрэгжүүлэхээр тохиролцлоо.
Эргэн сануулахад, талууд өнгөрсөн аравдугаар сард уулзаж, тус уулзалтын үр дүнд харилцан тохиролцсон авто замын төсөл, хөтөлбөрийн ажлын явцыг эрчимжүүлэх, авто замын коридоруудаа өргөжүүлэх зэрэг асуудалд нэгдсэн ойлголтод хүрсэн юм.
Сайд С.Бямбацогт уулзалтын эхэнд Азийн хөгжлийн банкнаас манай улсад хэрэгжүүлж буй төсөл хөтөлбөрүүдийн үр өгөөжийг онцлоод, төслийн хүрээнд баруун бүсэд барьсан авто замууд нь Монгол Улсын нүүр царай болсон төдийгүй манай ард иргэдийн талархлыг хүлээсэн, чанартай зам болсон гэдгийг тэмдэглэв.
Уулзалтын үр дүнд Ховд-Улаангом чиглэлийн 163.3 километр авто зам, Улиастай-Алтай чиглэлийн 198 километр авто замын эхлэл 100 километр авто замын ажлыг шуурхайлж, 2024 оны хавар барилгын ажлыг эхлүүлнэ.
Энэ чиглэлийн авто замыг барихдаа Дархан-Улаанбаатар чиглэлийн авто замд гарсан алдаа дутагдлыг давтахгүй байж, зөвлөх үйлчилгээ үзүүлэх компанийг сонгох асуудалд онцгой анхаарна гэлээ.
Түүнээс гадна баруун бүсийн босоо АН-4 чиглэлийн 745 километр авто замын бүтээн байгуулалтыг 10 гаруй жилийн хугацаанд хийж дууссан. Замын засвар, арчлалтыг орхигдуулахгүй, тогтмол хугацаанд хийх хэрэгтэй. Авто замын засвар арчлалт хариуцдаг компани нь асфальтбетон үйлдвэртэй байх шаардлагатай.
Барьсан замаа чанартай, урт настай байлгахын тулд шаардлагатай тоног төхөөрөмжүүдийг ойрын хугацаанд худалдан авахаар боллоо гэж ЗТХЯ-наас мэдээллээ.