Нийтийн тээврийн парк шинэчлэлтийн хүрээнд шинэ 224 автобусыг хүлээн авсан талаар Нийтийн тээврийн газраас мэдээлээд буй. Нийтийн тээврийн салбарт 2022 онд 91 автобусаар парк шинэчлэлт хийсэн. 2023 онд парк шинэчлэлтийн ажлууд үргэлжилж нэгдүгээр сард 136, хоёрдугаар сард 88, нийт 224 автобусаар парк шинэчлэлт хийжээ. Өнөөдрийн байдлаар уг 224 автобусын 100 гаруй автобус иргэдэд үйлчилж байна.
Нийслэлийн цагдаагийн удирдах газрын Мөрдөн шалгах газраас “Авто машины нүүрсэн яндангаас ялгарч буй бохирдол, орчны аюулгүй байдал” сэдэвт хэлэлцүүлэг хийжээ.
Мөрдөн шалгах газраас он гарсаар автомашины нүүрсэн яндан хулгайлах гэмт хэрэг үйлддэг дөрвөн бүлэг, 13 этгээдийг баривчлан шалгаж, энэ төрлийн 45 гэмт хэргийг үйлдсэн болохыг тогтоосон байна.
Хэлэлцүүлгийн үеэр Нийслэлийн цагдаагийн удирдах газрын Дэд бөгөөд Мөрдөн шалгах газрын дарга Д.Отгонжаргал хэлэхдээ “Сүүлийн гурван жилийн байдлаар Монгол Улсын хилээр 39517 кг нүүрсэн яндангаас гардаг бодисыг гарсан. Тухайлбал нэг автомашинд дунджаар 500-700 гр бодис байдаг гэвэл хэчнээн олон автомашины нүүрсэн яндангийн бодис хилээр гарсан бэ гэдэг нь харагдана. Нөгөө талаас иргэд өөрсдөө авто машины нүүрсэн яндангийн бодисыг мөнгө олох зорилгоор худалдах тохиолдол ч их байна. Нүүрсэн яндангүй нэг автомашинаас дунджаар 200-20 тонны химийн хорт бодис ялгардаг судалгаа гарсан. Гэтэл нүүрсэн яндангүй, оношилгооны газраас зөрчилтэй илэрсэн 2500 гаруй тээврийн хэрэгсэл хотын хөдөлгөөнд оролцож, агаарын бохирдолд тодорхой хэмжээний хохирол учруулж байна.
Тиймээс Нийслэлийн цагдаагийн удирдах газраас авто машины нүүрсэн яндангаас ялгарч буй бохирдол, орчны аюулгүй байдлын талаар мэргэжлийн байгууллагуудтай хамтран хэлэлцүүлэг явуулж байна. Хэлэлцүүлгийн үр дүнд агаарын бохирдолд нөлөөлж байгаа автомашины катализатор буюу яндангийн шүүлтүүрийг хилээр гаргахгүй байх саналыг мэргэжлийн байгууллагад уламжлахаар ажиллаж байна” гэлээ” гэв.
Хот, нийтийн аж ахуйн үйл ажиллагаа эрхэлдэг байгууллагуудын шуурхай зөвлөгөөн өнөөдөр болж, Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа зөвлөгөөнийг удирдан явууллаа.
Энэ үеэр нийслэлийн хэмжээнд авч хэрэгжүүлж байгаа арга хэмжээ, хийж буй ажлууд, мөн өнгөрсөн шуурхай зөвлөгөөнөөр өгсөн үүрэг, даалгаврын биелэлтийн талаар холбогдох байгууллагуудын удирдлага мэдээлэл өгсөн юм.
Өнгөрсөн удаагийн шуурхай зөвлөгөөн дээр нийт найман үүрэг, даалгаврыг холбогдох албаныханд өгсөн бөгөөд 91.7 хувийн биелэлттэй байна. Үүрэг, даалгаврын биелэлтийг УБЗАА-ны Хяналт, үнэлгээний хэлтсийн дарга Ц.Рэгзэдмаа танилцууллаа.
Тэрбээр “Сар шинийн баяр амралтын өдрүүдэд бохирын шугам бөглөрч, эрсдэл үүсэхээс урьдчилан сэргийлж, ариутгах татуурга цуглуулгын 2141 худагт үзлэг хийн, бөглөрөх магадлалтай 54 худгийг лайдаж цэвэрлэсэн. Мөн тус өдрүүдэд гэр хороолол, орон сууцны хог ачилтыг эрчимжүүлэх үүднээс нийт 1.3 сая тонн хог хаягдлыг 94 хог тээврийн машин 6814 удаагийн рейсээр тээвэрлэн ажиллав. Харин зам талбайн цэвэрлэгээ, үйлчилгээний хүрээнд нийслэл, дүүргийн тохижилт, үйлчилгээний байгууллагуудын 3905 ажилтан давхардсан тоогоор 1012 тонн хог хаягдлыг цэвэрлэсэн байна. Мөн өнгөрсөн 14 хоногийн хугацаанд худалдаа, үйлчилгээний болон бусад аж ахуй нэгж, байгууллагын хог хаягдал, цас мөсийг хариуцан цэвэрлэх 50 метр хүртэлх нийтийн эдэлбэр газрын зураглалыг зургаан дүүргийн 2816 аж ахуй нэгж, байгууллагад хийсэн. Ийнхүү Хог тээврийн гэрээний хавсралтаар баталгаажуулан, үйлчилгээ эрхлэх бүртгэлийн системд бүртгэх ажил үргэлжилж байна” хэмээн мэдээлэл өглөө.
Шударга өрсөлдөөн хэрэглэгчийн төлөө газар (ШӨХТГ) “Алтан тариа” ХХК-д торгууль оногдуулснаас талаарх мэдээлэл цахим орчинд таржээ.
Тэгвэл “Алтан тариа” ХХК тус торгуулийг үндэслэлгүй хэмээн үзэж, ШӨХТГ-ыг шүүхэд өгөх болсон байна.
Энэ талаар “Алтан тариа” ХХК-ийн Бизнес, Хөгжлийн хэлтсийн дарга Ө.Саруул-Эрдэнээс тодруулахад “ШӨХТГ-аас хууль бус шийдвэр гаргаж, огт үндэслэлгүй гүтгэн 20 сая төгрөгийн торгууль ногдуулсан. Ямар ч компанийн эрхэм зорилго бол ашигтай ажиллах байдаг. Манай компани ерөнхийдөө 10-13 хувийн ашигтай ажилладаг. Үүнийг бид 20 хувь болгох зорилготой байгаа. Дээрх торгууль бол компанийн ашгийг төрөөс хүчээр буулгах дарамт хэмээн үзэж байна. Тиймээс ШӨХТГ-ыг хууль зөрчсөн гэж үзэн шүүхэд хандаж байгаа.
Компани ашигтай ажиллах зорилгоо 20 хувь болгохын тулд өнөөдрөөс эхлэн гурилынхаа үнийг килограмм тутамд 20 төгрөгөөр нэмж байна. Компаниуд ашигтай ажиллахын төлөө явахаар төрөөс та нар ашиг хийгээд байна, ашиггүй хийж болохгүй гээд дарамтлаад байгаа үйл явдал хэмээн бид харж байна” хэмээн тайлбарлалаа.
Нийслэлийн Цагдаагийн Удирдах газарт “Автомашины нүүрсэн яндангаас ялгарч буй бохирдол, орчны аюулгүй байдал” сэдэвт хэлэлцүүлэг боллоо.
Экологийн цагдаагийн албаны Эргүүл, хяналт шалгалтын хэлтсийн дарга, цагдаагийн хурандаа Ж.Батсайхан “Жилийн хамгийн хүйтэн өдөр РМ2.5 тоосонцрын нэг шоо метрт байх хэмжээ 687 микрограмм хүрч байгаа нь ДЭМБ-ын зөвлөж буй аюулгүй түвшнээс 27 дахин их байгаа юм.
Улаанбаатар хотын 2022 оны агаар бохирдуулах бодисын жилийн дундаж агууламжийг оны мөн үетэй харьцуулахад PM2.5 тоосонцор долоон хувиар, PM10 тоосонцор нэг хувиар, SO2 хүхэрлэг хий нь дөрвөн хувиар тус тус багассан бол NO2 азотын давхар исэл 11 хувиар их байна.
Агаар бохирдуулагч эх үүсвэр:
Өнөөдрийн байдлаар Улаанбаатар хотод 687,000 тээврийн хэрэгсэл замын хөдөлгөөнд оролцож байгаагийн 76.8 хувь нь 10-аас дээш жилийн насжилттай байгаа юм” хэмээв.
Автомашины яндангаас гарах хаягдал утаанд хийсэн хяналт, шалгалтын хүрээнд:
Үргэлжлүүлэн тэрбээр “Агаар орчны бохирдол, хүний эрүүл мэндэд асар их хор учруулж байгааг судалгаанаас харж болно. Тухайлбал, үндэсний хэмжээнд 0-5 хүртэлх насны хүүхдүүдийн эндэгдлийн хоёр дахь шалтгаанд уушгины хатгалгаа ордог.
Нийтийн тээврийн газраас өнөөдөр мэдээлэл өглөө.
Нийслэлийн Нийтийн тээврийн газрын Тээвэр төлөвлөлтийн хэлтсийн дарга Б.Тамир “Нийслэлийн нийтийн тээврийн газар 224 шинэ автобусаар парк шинэчлэл хийж, 60 автобуснаас бусад нь үйлчилгээнд гарсан. 60 автобусанд смарт картын төхөөрөмж суурилуулах ажил хийгдэж байна.
Шинийн нэгний өглөө Ч-75 буюу Нисэх-Архивын ерөнхий газрын чиглэлд шинэ маршрут нээсэн. Энхтайвны өргөн чөлөөгөөр богино эргэлтийн автобус явуулж байна.
Удахгүй Нисэхийн эцсээс III хороолол руу автобус явуулна.
Нийтийн тээврийн автобусны цэвэрлэгээг эрчимжүүлэн хийж байна. Өглөө автобус цэвэрхэн гардаг ч үйлчилгээнд яваад эхлэхээр хог хаягдал ихтэй, суудлын бүрээсийг хуулж, бариулыг хугалдаг. Иймээс иргэдэд шинэ автобусаа гамтай ашиглахыг уриалъя” хэмээн ярилаа.
Тэрбээр сэтгүүлчдийн асуултад хариулав.
Цасанд боогдож нүүх боломжгүй байсан 80 гаруй малчин өрхийг хаваржаанд нь буулгажээ.
Ховд аймгийн Цэцэг сумын нутаг Халиуны хөтөлд 87 өрхийн 70 гаруй мянган мал цасанд боогдож нүүх боломжгүй болсон тухай дуудлага Онцгой байдлын байгууллагад хоёрдугаар сарын 28-нд ирсэн байна.
Тус аймгийн Онцгой байдлын газрын алба хаагчид Манхан сум дахь Эрэн хайх аврах бүлгийн ажилтнууд 320 гаруй км-ын цаана цасанд боогдсон зам гарцыг нээж малчдыг нүүлгэхээр очжээ.
Тэд өчигдөр нийт 75 км урт үргэлжлэх цасанд боогдсон замыг нээж, 48 өрхийн 172 хүн, 30 мянга орчим малыг хаваржаанд нь хүргэжээ.
ДЭМБ-аас жил бүрийн гуравдугаар сарын 3-ны өдрийг “Сонсгол хамгаалах дэлхийн өдөр” болгон тэмдэглэдэг.
Эрүүл мэндийн даатгалын сангаас дунд чих, хөхлөг сэртэнгийн өвчлөл, дотор, гадна чихний өвчин болон бусад төрлийн чихний өвчлөлийн эмийн болон мэс заслын тусламж, үйлчилгээний зардлын төлбөрийн 75 хувийг хариуцаж даатгуулагч иргэдээ эрүүл мэндээс үүдэлтэй санхүүгийн эрсдэлээс хамгаалан ажиллаж байна.
Долоон машин мөргөж, хоёр хүн гэмтээсэн зам тээврийн ноцтой осол гаргасан Ч.Маралмаад холбогдох хэргийн шүүх ирэх даваа гарагт буюу гуравдугаар сарын 6-ны өдөр болно.
Түүнд холбогдох хэргийг шүүх хурал өмнө нь хоёр удаа хойшилсон. Тодруулбал, Ч.Маралмаад холбогдох хэргийг шүүх хурал өнгөрсөн нэгдүгээр сарын 24-ний өдөр болохоор товлоод байсан ч шүүгдэгч Ч.Маралмаа нь өмгөөлөчгөөсөө татгалзсан учир шүүгдэгчийн эрх зүйн байдлыг хангах үүднээс шүүх хурлыг хоёрдугаар сарын 10-ны өдөр /2023.02.10/ хүртэл хойшлуулсан байдаг. Харин хоёрдугаар сарын 10-ны өдөр болсон хурлаар өмгөөлөгчийн хүсэлтээр буюу өмгөөлөгч эмнэлэгт хэвтэн эмчлүүлж байгаа гэх шалтгаанаар шүүх хурлыг хойшлуулах хүсэлт гаргаж, улмаар шүүхээс гуравдугаар сарын 6-ны өдөр хүртэл хойшилуулж шийдвэрлэсэн байдаг.
Түүнийг Эрүүгийн хуулийн тусгай ангийн 27.10 дугаар зүйлийн хоёр дахь хэсгийн 2.2, 2.4 дэх заалтаар яллагдагчаар татаад байгаа юм.
Төрийн болон орон нутгийн музей ирэх ням гараг хүртэл иргэдэд үнэ төлбөргүй үйлчилнэ. Музейн нээлттэй өдрүүдийн хүрээнд Соёлын яамнаас санаачилсан уг арга хэмжээнд иргэд өргөнөөр хамрагдаж буй бөгөөд өчигдөр Чингис хаан үндэсний музей хамгийн их ачаалалтай ажиллав.
Чингис хаан музейгээр өчигдөр 4128 иргэн үйлчлүүлснээс 1683 буюу 40 гаруй хувь нь насанд хүрэгсэд байжээ. Тус музейгээс явуулдаг боловсролын хөтөлбөрүүдэд өчигдөр нас насны нийт 146 хүн хамрагдсан байна.